یا مهدی
.
✍️ زبدة الاشعار ✍️
.
🆔: @nohe_torki
.
مرحوم شهاب تبریزی
.
اَیا صاحب زمان یا حجّةالله
اورکلر اولدی قان یا حجّةالله
.
رکابه قوی قدم چک ذوالفقاری
ظهور ایت الأمان یا حجّةالله
.
دوتوبدور ظلمت غم ماسوانی
جمالون ویر نشان یا حجّةالله
.
زمان غیبتون چوخ طول چکدی
بو طوله یوخ توان یا حجّةالله
.
حسینون قویما قالسون قانی یرده
اوقانی یوخ آلان یا حجّةالله
.
گتوردی کوفیان کرب و بلایه
حسینی میهمان یا حجّةالله
.
یوزینه باغلادی راه فراتی
او چولده کوفیان یا حجّةالله
.
فرآت آخدی چوله ویردی سوسوز جان
نچه پیر و جوان یا حجّةالله
.
مگر مهریّۀ زهرا دگلدی
همان آب روان یا حجّةالله
.
امامون اللری اوستنده اصغر
ویروردی تشنه جان یا حجّةالله
.
سولی پیکانیله گویا سو ویردی
او طفله شامیان یا حجّةالله
.
دگوب اوچ شعبه اوخ بچدی بوغازین
روانه اولدی قان یا حجّةالله
.
او قانی اَخذ ایدوب سپدی سَمایه
او شاه بیکسان با حجّةالله
.
ایدوب اکبر غمی لیلانی مجنون
قویوب بی خانمان یا حجّةالله
.
دوتوبلار قاسمه بر طوی او چولده
عروس ایلر فغان یا حجّةالله
.
گوروبدور کیم جهاندا بر بیله طوی
بیله داماد اولان یا حجّةالله
.
ابوالفضلون دوشوب قوللاری اولدی
حسین قدّی کمان یا حجّةالله
.
اواللر دوشمسیدی ایلمزدی
جسارت ساربان یا حجّةالله
.
اولوبدور جدّیون بو ماجراسی
سنه خیلی گران یا حجّةالله
.
او ساعت که خیامه ذوالجناحی
گلوب شیهه کنان یا حجّةالله
.
او صحرای بلاده ویردی جدّون
غریبه امتحان یا حجّةالله
.
ویروبدور شمره باش اَل ساربانه
ایدوب عشقین عیان یا حجّةالله
.
«شهاب» ایسته فَرَج هر دم بو اسمی
ایله ورد زبان یا حجّةالله
.
.
#سبک_بیا_یابن_الحسن_آرام_جانم … 3 سبک
واگیر از #محمدرضاصادقی
گل ای گوز یاشلی مولا
جهاندا ایله غوغا
اله آل ذوالفقارین
گوزی یولدادی زهرا
گل ای عالملرین مولاسی آقا
.
#مهدیه
#ایا_صاحب_زمان_یا_حجةالله
#شهاب_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید