یا مهدی
.
زبدة الاشعار
?: @nohe_torki
.
محمد هدایتی تبریزی
.
گویلوم قوشی پرواز ایلدی یاریمه ساری
گل شاخه سینه بلکه قونیدی بو قناری
.
بلبل دولانار عشقله گل باشنه پرّان
گل ده چکر ئوز کولگه سینه عاشق هزاری
.
مین یول دؤنرم باشینه اول نازلی نگارین
شاید چکه ئوز سمتینه یاریم منی باری
.
هجران اودونا غملی گویول یاندی ، آلشدی
یاریم هانی گورسون نجه دی عشقین عیاری
.
حیرانم ئوزوم ، بیر باخیشا وارلقی وئردیم
امّا ئورگیم خوشدی اودوزدوم بو قماری
.
یار اولماسا ، جنّت اولا دنیا نیه لازم
جنّتدی منه دلبر دُردانه کناری
.
غارت ائلیین دارو نداریم سیزین اولسون
یارین اتگین آلمیین امّا سیزی تاری
.
من مست و خمارم ئوزومی بیلمیرم اصلا
اوندان کی ، گوزوم درک ائدیب اول چشمِ خماری
.
دل مُلکونی تسخیر ایلیوب گوزده اوتورموش
منظرده «هدایت» گورور هر لحظه ده یاری
.
#مهدیه
#گویلوم_قوشی_پرواز_ایلدی_یاریمه_ساری
#هدایت_تبریزی
#ترکی
.
#زبدةالاشعار
?: @nohe_torki
: @nohe_torki . مرحوم ذهنی تبریزی . اگر چه كعبه ائوی محترمدی حرمتی وار ولیک کرب و بلانون اونا شرافتی وار . بو کعبه بیت مجازیدی لیک کرب و بلا حقیقیبیشتر
نظر دهید