گچیرتدوم عمرومی رؤیاده آغلورام ئوزومه #مناجات_جعفری_زنجانی

زبانحال فرد عاصی
.
#زبدةالاشعار
.
: @nohe_torki
.
حاج علی جعفری زنجانی
.
گچیرتدوم عمرومی رؤیاده آغلورام ئوزومه
نه قدری غافلیدیم گلمدیم مدام ئوزومه
.
طلا کیمین عملی ساده وئرمیشم الدن
همیشه آتش نیرانی ساخلورام ئوزومه
.
ائدنده نفسیله پیکار ، اولموشام مغلوب
تمام قدرتیلن ورمشام حسام ئوزومه
.
نه قدر ایستمیشم گئتمیم خطا یولونی
اذیت ایلوری باطنده کی یارام ئوزومه
.
طناب معصیتی بوینوما سالوب خنّاس
ندا ائلور که باخون آلمیشام غلام ئوزومه
.
عبادتیمده همیشه موفق اولمامیشام
قیام ائدنده قیامت اولوب قیام ئوزومه
.
رکوعیده بینوب جنسی سجده ده آلّام
دیینده ذکری ائدور لعنت حق کلام ئوزومه
.
مخالفت ائدورم من همیشه خالقینان
نه مؤمنم نه ده مرتد قویوم نه نام ئوزومه
.
همیشه ذکریم حسیندور، حسینی بیر تانیام (1)
یوخومدی معرفتیم تا آلام پیام ئوزومه
.
همان علی که ائدر سجده گاهیده معراج
ائدوب جسارت اونی بیلموشم امام ئوزومه
.
گرک که شرم ائلیم صاحب ولایتدن
اولام ولایتی بیر صاحب مقام ئوزومه
.
حجاب ظلمته شمشیر اولام به عشق علی
همیشه جوشن تقوا گیم نیام ئوزومه
.
عبادتیمده خدادن من ایستورم توفیق
او صالحیندن اولام که وئرم سلام ئوزومه
ــــــــــ
(1) با توجه به بیت بعدی ، احتمالاً «همیشه ذکریم علیدور ، علینی بیر تانیام» صحیح میباشد.جهت رعایت امانت ، همانند کتاب تایپ شد.
.
.
#پندیات
#گچیرتدوم_عمرومی_رؤیاده_آغلورام_ئوزومه
#ترکی
.
#زبدةالاشعار
.
: @nohe_torki