مناجات
.
✍️ #زبدةالاشعار ✍️
.
🆔: @nohe_torki
.
حاج شفیع تفاخری اردبیلی
.
خداوندا سنون من خوان جودوندن سخا گوردوم
بیر عاصی بندیم اما که فضلوندن عطا گوردوم
.
.
ائله الله سن که فضلوه عاجزدی مافیها
ائله الله سن شأنونده دیللر لالیدور گویا
یازیم هانسی صفاتون ای یگانه خالق یکتا
تک هاردا سن کیمی بیر حاکم ارض و سما گوردوم
.
.
خیاله گلمین موجوده سنسن حکمران الله
سنه مخصوص دور رحمان آدی ای لامکان الله
وئرورسن رزقینی ملحدلرینده مهربان الله
دوشنمیش سفرۀ پهناورون چوخ بی ریا گوردوم
.
.
سنی کیم هاردا سسلر اورداسان ای باوفا الله
تماماً ناامیده درگه باب الرَّجا الله
آچارسان مشکل شخصی تئز ایلرسن رها الله
دینمز ماسوا بیر سن کیمی مشکل گشا گوردوم
.
.
عزیز الله، عظیم الله، قدیر الله،کریم الله
شکور الله، غفور الله، رئوف الله، رحیم الله
ودود الله،مجید الله،حلیم الله،حکیم الله
گوزل آدّور بو آدلار هر بیرینده مین صفا گوردوم
.
.
ضعیفم، عاجزم یارب، قوی سنسن قوی سنسن
بخیلم، ناچیزم یارب، سخی سنسن سخی سنسن
فقیرم، بی چیزم یارب، غنی سنسن غنی سنسن
نه جرأتلن دئیر بیر کس سنون تک اغنیا گوردوم
.
.
وسیع عالمدی بوعالم، پیمبرلر گلوب گئتدی
قوی شوکت سلیمانلار، سکندرلر گلوب گئتدی
شقی فرعونیلر، شدّاد کافرلر گلوب گئتدی
مرور ائتسون دئیر تاریخ بیر اللهی بقا گوردوم
.
.
اولارکه عمر ائدردی نچّه مین ایللر، گلوب گئتدی
سنه سجده ائدنلر، حکم عامللر، گلوب گئتدی
مقامون بیلمین خلق سیه دِللر گلوب گئتدی
خلاصه سن بقاسن، هر شئی سنسیز فنا گوردوم
.
.
توکنلر یئر یوزونده ظلمیله ناحق تیره قانلار
ریاستدن اوتور حقّی دانان اول هرزه سلطانلار
دوتان دور و برین اول شه لرین بی عرضه شیطانلار
اولاردا گلدی گئتدی، ایشلرین چوخ نابجا گوردوم
.
.
بیر عده روسیه گئتدی، بیر عده مفتخر گئتدی
بیر عده ظلمیده جرأت تاپوب ائتدی نه لر گئتدی
بیر عده دوزدی ظلمه ال اورکده خون جگر گئتدی
خلاصه امتحانیندن چیخانلاری سوا گوردوم
.
.
«تفاخر» بارالها چیخمیوبدور امتحانیندن
سزادور عمر تاریکی فنا اولسا فغانیندن
هوادن باشینا گر اود یاغا قهر آسمانیندن
گناهیم وار ز بس بو اللریملن چوخ خطا گوردوم
.
.
قسم ویرّم سنی یدّی امامه ای حق ذوالمن
عراقین تپراقیندا تک تکین قیلدیم زیارت من
باغیشلاخالقیم سن چیخمیشام من گر چه حدّیمدن
تماماً آشنالردن سنی خوش آشنا گوردوم
.
.
#خداوندا_سنون_من_خوان_جودوندن_سخا_گوردوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید