گیتمه زهرا ایتمه ویران حیدرین کاشانه سین #فاطمیه_آذرین_خلخال

زبانحال حضرت امیرالمومنین (ع) در آخرین لحظات عمر حضرت زهرا (س)
.
#زبدةالاشعار
.
: @nohe_torki
.
#سبک_زینبم_جان_اوستیم (4 سبک سینه و زنجیر تک ضرب )
.
.
ودود آذرین خلخال
.
.
گیتمه زهرا ایتمه ویران حیدرین کاشانه سین
قویما یخسین غملی طوفان اهل بیتین لانه سین
.
.
ای منیم پشت و پناهیم مرتضایه رحم ایله
زینب و كلثوم زار و مجتبایه رحم ایله
گیتمه زهرا خامس آل عبایه رحم ایله
باشه چکمه باده هجرانوون پیمانه سین
.
.
گوزلرون آچ باخ علینون چشم خونین بارینه
سس ویرربحراندا زهرا یاراقلا یارینه
وای اولا دور زمانین منله کج رفتارینه
آلدی تزحیدرالیندن نازنین دردانه سین
.
.
دوقوز ایل بو دلفکاره محرم اسراریدون
پشت درده کوچه ده مسجدده منلن یاریدون
حقی غصب اولمیش علینن سن فقط غمخواریدون
سن مصفا ایلمیشدون مرتضانین خانه سین
.
.
دولدی قان ظلمیله زهرا قلب محنت جوشوه
هریره دوندون گلیبدی ناله غم گوشوه
سن حسینی بیردویونجا آلمادون آغوشوه
یاندیرار شمعین فراقی غصه لی پروانه سین
.
.
اشقیاسندن صورا ایلرعلن بیدادینی
بیربه بیر مظلوم ایده للر مرتضا اولادینی
مجتبانین دوغریالار زهریلن اکبادینی
لعن ایده الله جفالی محرم و همخانه سین
.
.
گیتمه قال ایله سرافراز عشقیلن سن حیدری
گیتمه قال اجرا ایدک فرموده پیغمبری
گیتمه قال طویدا یولاسال زینب غم پروری
مرتضی نیلر ویره الده گوزل جانانه سین
.
.
گیتمه قویما حیدری تنها و زار و بی نوا
گیتمه قویماقلبیمی درد و غم هجران آلا
گیتمه قویما یثربه وحشتلی بیرطوفان دولا
ایلمز دلبر اذیت عاشق دیوانه سین
.
.
(آذرین)زهرا غمینده عرشیلن فرش آغلادی
سینه عشاقی ثانی نون جفاسی داغلادی
فوج كركس شیرمردین قولارین تا باغلادی
محسنه قبرایلدی زهرا اوین آستانه سین
.
.
.
#فاطمیه_شهادت
#گیتمه_زهرا_ایتمه_ویران_حیدرین_کاشانه_سین
#آذرین_خلخال
#ترکی
.
#زبدةالاشعار
.
: @nohe_torki