زبانحال حضرت زینب سلام الله علیها در کوفه
.
✍️ زبدة الاشعار ✍️
?: @nohe_torki
.
محمد رضا بیگلی ( رضوی زنجانی )
.
بوشهرکوفه ده اوج ملاله باخ یارالی
کتاب دلده اولان عرض حاله باخ یارالی
.
منیم هلالیم اولوب نیزه ده ایشقلی باشین
کجاوه اوسته ده قدی هلاله باخ یارالی
.
جمالین آیینه سینده غبار غم گورورم
جمال زین العبا مه جماله باخ یارالی
.
دوشوبسن آیری باجندان حسینیم اوچ گوندی
بوغملی شهریده غملی وصاله باخ یارالی
.
بوکوفیه نچه یول گلمیشم جلالیله
ولی بو دفعه داغلمیش جلاله باخ یارالی
.
دویونجا صحبت ایدم اولمادی سنیله مجال
بولحظه ده اله گلمیش مجاله باخ یارالی
.
بو گللرین سوروشور باغبانمیز هانی بس
جوابیده نه دیوم من سواله باخ یارالی
.
سو وئرمیوبله سنه باشیوی کسیبله سوسوز
گوزونده قیزلارون آب زلاله باخ یارالی
.
سوروش بوغمزده وداغدیده قیزلاریوی
خصوصی خرداجا شیرین مقاله باخ یارالی
.
او قانلی گوزلرین آچ خاطرآنام زهرا
آناما بنزر اولان خرد ساله باخ یارالی
.
خزان گوروبدی گٌلون آز قالور اولا پرپر
بو کارواندا گٌل بی مثاله باخ یارالی
.
رقیّه وی دله دوت حالینی سوروش الآن
بوخردا قیزداکی حُسن کماله باخ یارالی
.
نشان وئرور باشیوی بیر بیره منافق لر
هزار چهره ده که بدخصاله باخ یارالی
.
بوقیزلارون یوزونه باد غصّه سیلی وئرار
کجاولرده نچه نو نهاله باخ یارالی
.
.
باشین جداده گزیر مثل بیرمه تابان
کسیک بوغازدان آخان اولدوزا باجون قربان
.
.
دوشوبدی گرچه باشین دست قاتیله گورورم
ورق ظلمه چیکوب خط باطله گورورم
.
قیامی بذرایلیوب عالمه سپیبسن حسین
چاتوبدی دانه لری فصل حاصله گورورم
.
بونهضتین هله ایلّلر بویی ادامه سی وار
ظهوریده یتشوب حد کامله گورورم
.
دوشوبدی جبرًا حسینیم فاصله آرامیزدا
محبتنده ولی یوخدی فاصله گورورم
.
بو فخر سلسله سجّادیوه پرستارم
قدملریندن ئوپور گر چه سلسله گورورم
.
کسیبله باشیوی قارداش سوسوز نمازاوسته
که کوفه اهلینی جلّاد نافله گورورم
.
فراتی قویدولار حسرت عقیقی لبلریوه
او لب که ساعتمی دوندریب ائیله گورورم
.
قالوبدی آتلار ایاقینده پیکرون پوزولوب
ایشقلی باش گزیر الدن دوشور اله گورورم
.
قوناقیدون بوگیجه هانسی ظالمه قارداش
«محاسینون بویانوب تپراقا کوله گورورم»(1)
.
دوشنده مشگله کیم حلّ مشگل ایلردون
غمین ولی آنامی سالدی مشگله گورورم
.
حجازی لحنیله قرآن تلاوت ایلورسن
او لحنیله دوتوسان قیزلاری دله گورورم
.
کجاوده باجوین ساچلاری قانا بویانوب
باخورسان ایندی همین غملی محمله گورورم
.
مسیریمزده بیرعدّه الینده داش دایانوب
اولارون هربیرینی شمر وحرمله گورورم
.
سنون رقیّه قیزیندا یاتوب قوجاقیمده
یاخونلاشور اولارا غملی قافله گورورم
.
نفس قدسی واروندی دعا ایله یارالی
گیدور بو قافلمیز غملی منزله گورورم
.
« رضوی » غم یمه که اولموسان غریب وطن
حسین کرمله باخوب چوخلی سائیله گورورم
ــــــــــــــــــ
(1)وام از مرحوم حسینی #سعدی_زمان
.
#کوفه
#بو_شهر_کوفه_ده_اوج_ملاله_باخ_یارالی
#رضوی_زنجانی
#ترکی
.
✍️ #زبدةالاشعار ✍️
?: @nohe_torki
نظر دهید