گیدردی کرب و بلا شاهی کربلایه طرف #ورود_کربلا_طوری_تبریزی

ورود به کربلا و شجاعت حسینیه
.
.
.
مرحوم طوری تبریزی
.
گیدردی کرب و بلا شاهی کربلایه طرف
بلا گلوردی او سلطان نینوایه طرف
.
حضور یاریده ایستردی امتحان ویرسون
گیدردی صحنۀ مخصوص نینوایه طرف
.
حریم کعبه ده احرام باغلامشدی امام
گیدردی علت غائی اولان منایه طرف
.
محرمون ایکیسی وارد اولدی مقصدینه
دولاندیروب یوزین عباس باوفایه طرف
.
بویوردی قارداش ابوالفضل گچمیون دایانون
یتیشمیشم منه مدفن اولان سرایه طرف
.
دوشون بویرده ایدون نصب خیمه و خرگاه
آچون علم لریمون پرچمین هوایه طرف
.
ولیّ اقدس ایدوب ارض قدسده مسکن
خیال وصلیله مشتاق اولوب بقایه طرف
.
اوتوز مین اهل جفا اللرینده تیغ و سنان
به قصد قتل گلوب شاه کربلایه طرف
.
هامی کمکلری اولدی شهید قالدی وحید
حسینون امری یتوب سخت ماجرایه طرف
.
کسیلدی راه تردد عزیز زهرایه
تردد اولمادی فرزند هل اتایه طرف
.
تلَسدی اهل شقاوت حسین قتلینده
یتوردی ظلمنی سر حد انتهایه طرف
.
دوباره ایلدی اتمام حجّت،حجّت حق
او اهل ناری چکه ناریدن ضیایه طرف
.
موثر اولمادی قوم ظلامه پند امام
علاوه آچدیلا دل کفر و ناسزایه طرف
.
گوروب که ایتدیله اظهار کفر او کافرلر
ایدوب شجاعتیله حمله اشقیایه طرف
.
او تشنه لب او علی اکبری اُلن سلطان
نگون ایدردی دُنن وقته هر لوایه طرف
.
ایله قلج ووروب اول یادگار شیر خدا
علی شجاعتینی سالدی اختفایه طرف
.
ندا یتشدی او دم مصدر جلالتدن
گیچتمه وقتی یتوب وعده انقضایه طرف
.
مصمم اولدی شهید اولماقا شه شهدا
ایدوب هدف اورگین تیرجان گزایه طرف
.
حسینی یخدیلار آتدان سپاه کوفه و شام
هجوم ایدوب هامی بیردن او مقتدایه طرف
.
وورندا حنجرینه بی حیا سنان نیزه
سالوب توجهینی وجه کبریایه طرف
.
تلاوت ایلدی ذبح آیه سین ذبیح الله
دوباره دوتدی یوزین قبر مصطفایه طرف
.
سنون حضوریوه گلماق منیم وظیفمدور
گلنمدیم باباسن گل بو بینوایه طرف
.
بو رسم شرعیدی هر بیر امام اُلن وقته
گرک مشرّف اولا ختم الانبیایه طرف
.
حسین اُلنده ولیکن خطاب ربّ جلیل
یتیشدی بیر به بیر ارواح انبیایه طرف
.
حسینیم عزم ایلیوب قرب وصلیمه گلسون
دایانمیون گیدون اول طالب لقایه طرف
.
ازل بو امره اطاعت ایدوب پیمبرلر
گلوب زیارت ممتاز اولیایه طرف
.
ایاق یالین باش آچوق گلدی جدّی پیغمبر
دلینده واولدا صاحب بُکایه طرف
.
ایشیتدی جدی پیمبر سسین امام حسین
اوقان دولان گوزیله باخدی بیر بابایه طرف
.
ادبله عرض ایلدی دورما بوردا یا جدا
گوتور آنامیدا گیت گلدوقون سرایه طرف
.
که ایندی شمر گلر الده خنجر بران
ساتاشماسون گوزون اول شمر بی حیایه طرف
.
او حالیده اوجالوب خیمه گاهیدن بیر سس
دونوب باخوب او کمکسیز قالان سمایه طرف
.
عبث سورونمدی لشگر گیدنده خیمه لره
ایدردی سعی یتورسون اوزون نسایه طرف
.
گلنده بجدل اوباشسیز امام مقتلنه
بولوب نیه گلوری منبع سخایه طرف
.
او ساربان کسن ال قان ایچینده جلوه لنوب
نگین خاتمی دوتدی اوبی حیایه طرف
.
که یعنی گل کس آپار سنده ناامید اولما
که باشسیز ال سیز اولام رهنما خدایه طرف
.
یتیشدی عمر باشا «طوریه» نه عُسرتیله
بو فانی عالمی ترک ایله گیت بقایه طرف
.
.
.
#ورود_کربلا
#حسینیه_شهادت
#گیدردی_کرب_و_بلا_شاهی_کربلایه_طرف
#طوری_تبریزی
#ترکی
#زبدةالاشعار