تقدیم به سردار دلها
حاج قاسم سلیمانی
.
#زبدةالاشعار
.
: @nohe_torki
.
رزاقی تبریزی
.
گینه ده لشگر کین ظلمیده طغیان ائلدی
ظلمیله امّت اسلام اورگین قان ائلدی
.
آشکار ایلدی ئوز کینه سینی اسلامه
ظاهرا نیّت شومینده یتیبدور کامه
.
بیر جنایت ایدوب اول زاده شوم شیطان
کی همان ظلم و جنایتدّه توکوب ناحق قان
.
تروریستی عملیله گینه ایلوبدی خطا
نقشه شومینی اجرا ایدوب اول کان جفا
.
یاندیروبدور دل عشّاقی او شیطان پلید
حاج قاسم کیمی سرلشگری ایلوبدی شهید
.
ظاهرا گرچه ایدوب نقشه شومین اجرا
ائلیوب لیک ائوزون کلّ جهاندا رسوا
.
یر یوزونده هامی بیر پارچا گلوب گفتاره
ئولوم ایستولّه بیله دولت بدکرداره
.
ایمدی حق لشگری اعلان ایدور استکباره
اول مهیّا غضبِ جیش حقِ داداره
.
ال اله ویرمیسوز اسرائیلیله قان توکه سیز
دین اسلام علمین بلکه جهانده بوکه سیز
.
اولون آگاه کی خون شهدا باتمیاجاق
دهریده اهل جفا مقصدینه چاتمیاجاق
.
قوشولوب دوزدی سلیمانی شهیدلر صفینه
علمین لیک آلوب آیری دلاور کفینه
.
ووراجاق لشگر دین سیلی محکم یوزوزه
بو اودون توستوسی حتما دولاجاقدور گوزوزه
.
تارو مار ایلیه جاق منطقه ده اشراری
بوکه جاق لطف حقیله علم کفّاری
.
مین سلیمانی گلر عرصیه بو قانلاردان
قوخمیوب قوخمیاجاق سهمیلی طوفانلاردان
.
وقف قیلمیشدی سلیمانی ائوزون اسلامه
اودی کی عمرونی بویولدا ویروب اتمامه
.
چالیشوب راه ولایتّده بو سردار رشید
لشگر عشقه آچوب همّتیله راه امید
.
تربیت یافته مدرسه دشت بلا
پیروِ واقعی پادشه کربوبلا
.
خدمت ایلوب ره اسلامیده ممتاز اولدی
دائما رهبر فرزانیه سرباز اولدی
.
جان ویروب راه ولایتّده سعادت تاپدی
ائوزونه عزتیله تاج شهادت تاپدی
.
غم سرداریده رزّاقی شریک ایت ئوزووی
فوج عشاقه قوشول اشگیله دولدور گوزووی
.
.
#قاسم_سلیمانی_ستار_رزاقی
#گینه_ده_لشگر_کین_ظلمیده_طغیان_ائلدی
#ترکی #انتقام_سخت
.
#زبدةالاشعار
.
: @nohe_torki
نظر دهید