ورود به ماه محرم
#گریز به #قتلگاه
.
زبدة الاشعار
?: @nohe_torki
.
ماهر
.
گینه عالمده خدا بیر غم اعظم گورونور
غم دوتوب عالمی آثار محرّم گورونور
.
.
پرده پرده اوجالوب عرشه گینه گرد ملال
باخورام یرده اولوبدور هامی پژمرده خیال
مرد و زن پیر و جوان جمله توکر اشک زلال
که بو عالمده گینه اوزگه بیر عالم گورونور
.
.
دوتولوب خلق الهی گینه چون ابر بهار
توکوری عارضه گوزیاشلارینی خرد و کبار
مثل باران اولوری گوزیاشی رخساره نثار
آه و زار ایتماقا مخلوق مصمّم گورونور
.
.
هر طرفدن گلوری آه و فغان زمزمه سی
دولدوروب عالم امکانی گینه ناله سسی
گورورم هر کیمی وار آغلاماقا چوخ هوسی
اهل اسلامیده یارب غم اعظم گورونور
.
.
بولمورم سرّی ندور خلق بیله اشک توکر
بارالها دهه ی ماه محرّمدی مگر
غملنوبدور او غم اعظمیله جنّ و بشر
هامی مستغرق بحر غم اکرم گورونور
.
.
تازه دن تازه لنوب ماتم شاه شهدا
واردی سرّی چکیلوب کوچه و بازاره قرا
اولوب هر یرده او مولایه عزاخانه به پا
کربلا وضعی نظرلرده مجسّم گورونور
.
.
او شهه یتدی بو آیدا نه قدر ظلم و ستم
اکبر و قاسم و عبّاسیدن ال چکدی اودم
دوزدی جان و دلیله هر غمه اول شاه امم
گوردی جان ویرماقا اعوانی مسلّم گورونور
.
.
جان ویروب بیر به بیر انصاریله اعوانی سوسوز
اوخلانوب گاهی علی اصغر عطشانی سوسوز
الی اوستونده چخوب اصغرینون جانی سوسوز
گوردی شاه شهدا ظلم دمادم گورونور
.
.
قالمیوب کیمسه داخی اولسون او مولایه معین
گوردولر یالقوز او مولانی اودم لشکر کین
خنجر الده یتوب اول سروه تا شمر لعین
شاه لب تشنه گوروب قتلی مصمّم گورونور
.
.
خنجرین قویدی اونون حلقینه اول شمر دنی
یتیروب قتله سوسوز کینیله تا نور حقی
تیتردی یرلر اودم، دوتدی محن ماخلقی
زینب اول وقته گوروب عالمی برهم گورونور
.
.
خیمه دن چخدی باجی قتلگهه ایتدی نگاه
دوشدی تشویشه، قاچوب رنگی، اودم چکدی بیر آه
هر یانا باخدی او بیچاره گوروب یوخدی پناه
نه انیس وار نه مونس و نه محرم گورونور
.
.
#ماهرا بات بو مصیبتده غمه لیل و نهار
آغلا گوزیاشینی ایت شاه شهیدانه نثار
تازه لندی مه غم آغلاماقا گلدی بهار
اودی سرّی که هامی دیده سی پر نَم گورونور
.
#سبک_یارالی_جان_یارالی (بیش از 4 سبک شامل سبکهای کربلا منتظر ماست … شهریاریمسن آقا …. )
پخش‌کننده صوت
#ورود_محرم
#گینه_عالمده_خدا_بیر_غم_اعظم_گورونور
#ماهر
#ترکی
.
#زبدةالاشعار
?: @nohe_torki
: @nohe_torki . مرحوم #دلریش . ای شیعه ائدون ناله و افغان بو عزاده واردور یری گر آغلیاسوز قان بو عزاده . . رحلت ائلیوب شیعه بوگون حضرت زهرا محزون و ملول اولموش هامی عترت طاهابیشتر
نظر دهید