گینه قلبیم یانار بیر آتش ظلمین شراریندن #فاطمیه_خوندل_تبریزی

احوالات حضرت زهراء(س)
.
#زبدةالاشعار
.
: @nohe_torki
.
مرحوم حاج حیدر خوندل تبریزی
.
گینه قلبیم یانار بیر آتش ظلمین شراریندن
امان بو روزگار کجمدارین، کج مداریندن
.
نه بیگانه بولر،نه آشنا، نه دوست، نه دشمن
نه بیر بو بی وفا آگاه اولار عشقین عیاریندن
.
اسیر جاهل ایلر عاقل و فرزانه افرادی
ایدر امّا حمایت امّتین بی بند و باریندن
.
اگر شرح ایلیم وار احتمالی خامه اودلانسون
الولانسون صحیفه آهیمین اودلی شراریندن
.
علینی روزگار ایلر ایوینده گاه زندانی
گھی تبعید ایدر بیگانه شهره اوز دیاریندن
.
دیه لَّر گاه گئت اگلش ایوینده سن اوخی قرآن
اولار چوخ آشنا بیگانه اصحاب کباریندن
.
نه بیر کیمسه قویالّار قلبینون آلامینی آلسون
یانار نه بیر نفر احبابی قلب داغداریندن
.
تعجب دور کمال احتیاج اجتماعیله
گرک خانه نشین اولسون آزالسون اشتهاریندن
.
یگانه دختر ختم رسل یعنی خانم زهرا
ئولوم ایستر جوان وقتینده اؤز پروردگاریندن
.
ایله تنگه گلوب ریحانۀ پیغمبر اکرم
جهانی حقّی وار یاندیرسا آه شعله باریندن
.
منه مقصد دگول آزرده ایتماق روح زهرانی
نه چاره وار وظیفم ناگزیرم انتشاریندن
.
او گونکه صحن گلزار ولایت پایکوب اولدی
اولوب بیر غنچه پرپر آیریلوب اوز شاخساریندن
.
ووروب اود آشیان طایران قدسه بیر ظالم
او اوتدا یاندی بال و پر او گلزارین هزاریندن
.
ایله سولدی سموم خاریله گلبرگ پیغمبر
خزان مشهود اولوب بو گلعذارین، گل عذاریندن
.
شقاوت پیشه صیّادین سنیدی اللّری ای کاش
نه ایستردی الهی زخمدیده بیر شکاریندن
.
پشیمان اولمبوب هر چند او ظالم بو جسارتدن
علاوه فرض ایدوب آینده ده اؤز افتخاریندن
.
بودور فکریم یازام تاریخدن بیر ماجرا اما
بو درد آور خبر معلوم اولار اوز اختباریندن
.
چوخی کُتّابیدن بو مطلب جانسوزی نقل ایلر
نجه من بی تفاوت ردّ اولوم آیا کناریندن
.
عموی حضرت خیرالبشر عبّاس دور راوی
منیمده وحشت و پروا یوخومدی استتاریندن
.
دیر من وارد اولدوم مسجد پیغمبره بیر گون
گورم کیم کسب فیض ایلر رسول الله جواربندن
.
نه گوردوم گوشۀ خلوتده بیر عده بنی هاشم
علینون بیرده وار بیر عدّه اوز اخیار، یاریندن
.
ویروبلر انجمن تشکیل ایدولر درد دل آرام
غبار غم یاغار اما فضای مرگباریندن
.
همینکه آشنا گوردوم او جمعین جمله افرادین
سوروشدوم وضع شهرین نارسا و ناگواریندن
.
دیدیم ایجاب ایدوب تامین کسر بودجۀ دولت
خلیفه استفاده ایلدی اؤز اختیاریندن
.
دوتوب تصمیم وئرسون وضع شهره بیر سر و سامان
همان تصمیمی بیر جبران اولا اوز اعتذاریندن
.
ولی حیرتدیم علت ندور آیا بجز قنفذ
حقوقین نصفه تبدیل ائتدی هر خدمتگزاریندن
.
اونون امّا حقوقین ایلدی کامل ادا هر آی
بولن وار بیر نفر علّت ندور بو ابتکاریندن
.
جوابه بو سواله بیر نفرده اولمادی قدرت
فغان بو روزگارین گردش ناسازگاریندن
.
سکوت محض اولوب یکسر فضای محفله حاکم
فراگیر اولدی بیر حیرت او جمعین اصطباریندن
.
علی بیر منتهای وحشتیله باخدی اطرافه
گوروب بیگانه یوخ ایمندی اشرارین شراریندن
.
ایله بیر شدّتیله آغلادی، آغلاتدی دنیانی
عوالم نالیه معناده گلدی آه و زاریندن
.
امام البته قلب عالم امکاندی بی شبهه
جهانی اضطرابه سوق ایدر اوز اضطراریندن
.
او حالیله که گوز یاشین توکردی شاه دریا دل
بهار ابرین ایدوب شرمنده چشم اشکباریندن
.
اور کلندی بو فکریله که ایتسون مطلبی روشن
بویوردی ای عمو ناراحت اولما بو شعاریندن
.
حقوقین قنفذین علّت بودور نصف ایتمدی ثانی
دل اهلی مطلبین مشروحین آنلار اختصاریندن
.
همان بیر ضربتین شکرانه سیدی وردی زهرایه
همان ضربت گل طاهانی مجروح ایتدی خاریندن
.
ایله محجوبیدی زهرا او مندن ایلدی مخفی
نه من گوردوم بتولین شدّت شرم و وقاریندن
.
الین ئولسیدیده اوزمزدی دامان ولایتدن
بتولی قمچیِ قنفذ آیردی شهریاریندن
.
وئرنده غسلینی گوردوم قولوندا مثل بازوبند
اولور مشهود او جرم آثاری جسم زخمداریندن
.
او ضربتدن یخلدی یرده زهرا نقشبند اولدی
یخلدی بو یخلماقلار آزاتماز اقتداریندن
.
گل گلزار پیغمبر سموم خاریله سولدى
خزان گلدی آیردی جبریله اوز لاله زاریندن
.
منی دشمن آپاردی مسجده تکلیف ایده بیعت
ایدردی مرگ یا تهدید تیغ جانشکاریندن
.
گینه زهرا او حالیله دالیمجا مسجده گلدی
آخاردی خون دل رخساره چشم درباریندن
.
منی تا گوردی (خَلّوا ابن عَمّی) سسلدی ای قوم
اگر ال چکمه سَز بو آفرینش شاهکاریندن
.
قمیص حضرت طاهانی سالّام باشیمه اوّل
صورا تهدید ایدوب اوز نشر زلف مشکباریندن
.
دیدی نه ناقۀ صالح اولار مندن عزیز اولسون
فصیل نه حسینیله حسنده اعتباریندن
.
اگر نفرینه دل آچسام حضور حیّ قهّاره
یانار اهل مدینه آهیمین پر سوز ناریندن
.
دیدیم سلمانه دی زهرایه امر ایلور علی صبر ایت
که دین ایجاب ایدر صبر و تحمل انتصاریندن
.
نه بیر ذرّه بولاردان وار علیده وحشت و پروا
گینه قان یاغدیرار آل آچسا جنگه ذوالفقاریندن
.
رسول الله صبره امر ایدوب من صبره مأمورم
حفاظت ایتماقیم واجبدی بو دینین حصاریندن
.
علینون امرینی زهرایه تا ابلاغ ایدوب سلمان
قبول ایتدی خانم فرمان صبری تاجداریندن
.
دیدی سلمان على امر ایلسه صبر ایلرم منده
ولی حیرتدیم بو قدرت و صبر و قراریندن
.
امامیمدور ولی الله دور هر امرى مجرادور
او مظلوم اولدی،من مجروح ،حق چیخدی مداریندن
.
خانم آرام اولوب تا ایمن اولدی قتل مولادن
یتوردی امنه ظلم اهلین دل امیدواریندن
.
اولوب حاکم او مسجدده ایله بیر قدرت کامل
بلای قهر مشهود اولدی حیّ کردگاریندن
.
خلیفه تا بتولین گوردی تهدیدین او شدتله
عَلَى الظّاهر پشیمان اولدی اوز انجام کاریندن
.
اجازه ویردی مندن اهل کینه ال گوتورسونلر
خلاص اولدوم او وضع ناگوارین گیر و داریندن
.
نقدری عمروم اولسا دهریده زهرایه مرهونم
او قورتاردی منی واقعده اشرارین فشاریندن
.
منی دنیاده زهرانون تلاشی پایدار ایتدی
او اقدامی بلی قورتاردی دشمن پای، داریندن
.
اوزی گیتدی منی عمرومجه آغلار قویدی عالمده
خلاص ایتدی رسول اللهی امّا انتظاریندن
.
ایله ظلم اهلی زهرانی دویوردی اوز حیاتیندن
او آز عمریله استقبال ایدردی انتهاریندن
.
نه عامل باعث اولدی راه مرگی انتخاب ایتدی
سوروشماق علتین لازمدی راهین رهسپاریندن
.
دعاسی هر نمازیندن صورا عَجِّل وَفاتیدی
بو تصمیمات اوزی واضحدی درد بیشماریندن
.
نه مندن دویدی بو گلشنده نه پژمرده گللردن
اوزین اما دویوردی غصّه عمر مستعاریندن
.
او بیرحمی که بو حاله سالوب دنیاده زهرانی
مسلۀمدور اونون پرواسی یوخ روز شماریندن
.
ئولومده اوز نجاتین انتخاب ایتماق دگل آسان
ایله گیتدی بتولین صبری قلب بردباریندن
.
حیاتین شاهراهی بیر طریق سهلدور امّا
عبور ایتماق چتین بیر یولدی مرگین رهگذاریندن
.
على گُل دَرمَه میش لطف بهار حُسن زهرادن
خزان اولدی، اجل گلدی آییردی باری باریندن
.
بوبش گون عمریده چوخ پیچ وخم وارصبرایله «خوندل»
علینی گورموسن دنیا آییردی اوز نگاریندن
.
وجود فاطمه بیر سدّیدی محکم هزار افسوس
او سدّی یخدیلار مولا یخلدی انزجاریندن
.
بتولین قدری، قبری، غسلی، دفنی، نیمه شبه مخفی
نه بیر نام و نشان وار نه خبر پوزقون مزاریندن
.
#فاطمیه_شهادت
#گینه_قلبیم_یانار_بیر_آتش_ظلمین_شراریندن
#ترکی
.
.
#زبدةالاشعار
.
: @nohe_torki