یابن الحسن جدون رضا طاهایه مهماندی #رضویه_عدلی_تبریزی

شام غریبان حضرت امام رضا علیه السلام
.
زبدة الاشعار
.
: @nohe_torki
.
.
حاج اصغر فرشچی ( عدلی تبریزی)
.
.
یابن الحسن جدون رضا طاهایه مهماندی
گل طوسیده ساخلا عزا شام غریباندی
.
دللر دولی قاندی شام غریباندی
.
.
باش ساغلیقی ویروخ سنه حالون پریشاندی
زهرا آنان تک غصه دن قلبون دولی قاندی
بو شیعه لر ماتم دوتوب نالان و گریاندی
گویده ملک لر آغلاشور محشر نمایاندی
.
.
اجداد پاکون عدنیده اوزسینه سین داغلور
شام غریبان ساخلیوب زهرا آنان آغلور
گوز یاشینی بو شیعه لر رخسارینه باغلور
باشون سلامت مهدیا حالون پریشاندی
.
.
گل هارداسان غربت یری اولدی رضا مظلوم
اکبادی یاندی زهریله مأمون ایدوب مسموم
گتدی دیلینده حسرتی اوز قبرینه مغموم
قیلدی نمازین دفن ایدن اوغلی اولولاندی
.
.
ایل لر بویی بی اَقربا دور از وطن قالدی
معصومه طوسه گلمدی صبر و توان آلدی
آخر یانان اود زهر کین جانه شرر سالدی
ایوای بابا ایوای رضا افلاکه قوزاندی
.
.
.
مأمون ملعون جیفۀ دنیایه آللاندی
مولا رضانون حقنی بولدی ولی داندی
مقصوده چاتسون ظلم ایدوب از بسکه ناداندی
بغضون نشان ویردی آقا گل وقت هجراندی
.
.
.
ایتموشدی مأمونِ دَنی اُول سروری مجبور
تا زهرلی بیر خوشه دن میل ایلسون انگور
امر قضایه باش اگوب اولموشدی چون محصور
روحون غم دنیا یوران طاهایه مهماندی
.
.
.
آغلور دیور اوغلی جواد گوندوز گونوم باتدی
یورموشدی دینون دشمنی یومدی گوزون یاتدی
هم اهلبیتین شیعنی بو غمده آغلاتدی
بو ضامن آهو اولان اسلامه قرباندی
.
.
یابن الحسن صاحب عزا سنسن بو ماتم ده
سن ملجأ شاه و گدا هم برّریده یم ده
سن بول آنان زهرا آقا باش چک اُلن دم ده
جدّون حسین درگاهینه (عدلی) نوا خواندی
.
.
.
#سبک_ویرانه_ده_نازلو_بالام
.
#رضویه_شهادت
#یابن_الحسن_جدون_رضا_طاهایه_مهماندی
#عدلی_تبریزی
#ترکی
.
#زبدةالاشعار
.
: @nohe_torki