بو حسینون گوزل کربلاسی …
..
..
#سبک_ای_قلم… #سبک_جامه_عشقیوی… #سبک_کاروان_رفته … مطهری
..
..
حاج اصغر فرشچی ( عدلی تبریزی )
..
..
بو حسینون گوزل کربلاسی
کعبۀ عشقیدی وار صفاسی
اولماز اوردا شکسته نمازون
دوز قیلاندا اولار حق رضاسی
..
..
بو حسین دور اولوب حق فداسی
ساخلیوب دینی قان هم عزاسی
آغلیین گوز اونا اوددا یانماز
اشک چشموندی جنّت جزاسی
..
..
اولسا هر کیمسه نون پیشواسی
وحشت قبره اولماز هراسی
باشی اوسته گلر جان ویرنده
سایه سالسون او زهرا بالاسی
..
..
خصم دینون اولوب گر جفاسی
برهم اولسون حسینون اساسی
لیک تا وار قیامت حسین وار
قلبلرده آدی وار بقاسی
..
..
هر یره نصب اولا غم لواسی
شرکت ایلر او یرده آناسی
هر عزاداریلن با هم آغلار
اوج ایدر عرش و فرشه صداسی
..
..
دین حقه ویروب قان بالاسی
هر ایکی عالمین مقتداسی
قانی رونق ویروبدی نمازه
چون خدا دورحسین خون بهاسی
..
..
یاده سال زینب مه لقاسی
قتلگهده گوروبدی اخاسی
تشنه لب ذبح اولوبدی قفادن
غارت اولموش بدن یوخ لباسی
..
..
عرشه چاتدی او دمده نواسی
گوردی وار پیکرینده یاراسی
مرهم اولسون توکوب اشک چشمین
یاره لراوسته اولسون دواسی
..
..
تاپدی بلبل گولون گوردی یاره
جسموده واردی گلمز شماره
گوز یاشیلن یارا مرهم ایتسون
آغلادی تاپمادی را چاره
..
..
عرض ایدوبدور یارا ن چوخدی قارداش
من اوپم صاف یرون وخدی قارداش
صیریمی چوخ آلان سینن اوسته
پرآچان شعبه لی اوخدی قارداش
..
..
دشت غمده دونن یللر اسدی
فاتح اولماقلیقا قان تلسدی
اولدی شمشیر تیز قانه مغلوب
ظلم ایدوب گون باشین شمرکسدی
..
..
شامیان دین و قرآنی داندی
ویردولار خیمه لر اودّا یاندی
حشری گوردوم گچن گون بوچولده
قالمادی جامه معجر تالاندی
..
..
بر هم اولدی حسینیم جلالون
قلبیمی اود لوری بو ملالون
کاروان یوللانور شامه قارداش
قول قولا باغلانوبدی عیالون
..
..
غملیدی کربلا ماجراسی
زینبون وار باشیندا بلاسی
یول سالورشمریلن شامه گتسون
غصه و غم مِحَن مبتلاسی
..
..
شور دلده باشیـندا قاراسی
آغلاماق اولدی صبحی مساسی
ایندیده وار قولاق گر ویرولسه
قتلگهدن گلور آه و واسی
..
..
گوردی شمر لبلرینده دعاسی
واردی معبو دیدن التماسی
ایستوری شعیه سین هر دو عالم
رستگار ایلَسون تا خداسی
..
..
ای شهیدان عشقون آقاسی
باشدا وار کر بلانون هواسی
هیئت ایچره برات ایستین وار
(عدلی) تک دلده وار التماسی
..
..
#کربلا #عدلی_تبریزی
#حسینیه
#حسینیه_مدح
#بو_حسینون_گوزل_کربلاسی
#ترکی
#زبدةالاشعار
نظر دهید