یاتما راحت قبرده یاندیم بابا یا مصطفی #فاطمیه_علومی_تبریزی

زبانحال حضرت زهرا (س) به پدر
.
#زبدةالاشعار
.
: @nohe_torki
.
علومی تبریزی
.
یاتما راحت قبرده یاندیم بابا یا مصطفی
داده گل اود دوتدیم اودلاندیم بابا یا مصطفی
.
.
اشقیاسندن صورا بیر بزم شورا قوردولار
داندولار حقین علینون گلشنین سولدوردولار
فاطمه درگاهنه گل گورنجه اود ویردیلار
یاتما راحت قبرده یاندیم بابا یامصطفی
.
.
حق طریقندن بابا اهل شقاوت چخدولار
منجنیق غمده روح مرتضانی سخدولار
ظلمیله ریحانه وی توپراقلار اوسته یخدولار
یاتما راحت قبرده یاندیم بابا یا مصطفی
.
.
من بابا سندنصورا بی حد پریشان اولموشام
دویموشام جاندان ز بسکه دیده گریان اولموشام
عزتیم الدن گیدوبدی خانه ویران اولموشام
و یاتما راحت قبرده یاندیم بابا یا مصطفی
.
.
درگهیم یاندی اوجالدی عرشه داد و شیونیم
سینه می مسمار دلدی کامه یتدی دشمنیم
محسنیم سقط اولدی گتدی رونق عیشیم منیم
یاتما راحت قبرده یاندیم بابا یا مصطفی
.
.
قبردن بیر باش گوتور ای سرور جن و بشر
قالموشام نامحرم ایچره حالمه ایله نظر
ثانی بیدین نجه گور قلبیمه ویردی شرر
یاتما راحت قبرده یاندیم بابا یا مصطفی
.
.
تاپشیروب گتدون بیزه چوخ ایتدیلر حرمت بابا
تاپدولار سندن صورا اولادیوه جرئت بابا
حکموی یادان چخاتدی بی وفا امت بابا
یاتما راحت قبرده یاندیم بابا یا مصطفی
.
.
بی سبب سالماز منیم نالم سپهره ولوله
یوخدی بیر کس ای بابا ریحانه وین حالین بیله
ویردیلا صدمه بابا سنسیز من خونین دله
یاتما راحت قبرده یاندیم بابا یا مصطفی
.
.
#گریز #غارت_خیام
.
.
سسلدی زهرا نجه امدادینه پیغمبری
یاد اولور غارت گونی کرب و بلانین محشری
بیر خانمدا اوردا سسلوردی رسول اطهری
یاتما راحت قبرده یاندیم بابا یا مصطفی
.
.
شامیان ظلمون بابا دنیالره بیلدیردیلر
زادۀ مرجانه نی خوشحال ایدوب گولدوردولر
ظلمیله اوغلون حسینی تشنه کام ئولدوردولر
یاتما راحت قبرده یاندیم بابا یا مصطفی
.
.
آچدیلار ال غارته هنگام غارتدی بابا
بی پناه اولادیوه واضح قیامتدی بابا
خیمه لر یاندی تالاندى خوف وحشتدی بابا
یاتما راحت قبرده یاندیم بابا یا مصطفی
.
.
شمرده انصاف یوخ قوی کشف ایدوم بو مطلبی
قزلارین باخمور اوجالمش ذكر یا رب یاربی
الده قمچی آز قالور ئولدورسون عمّم زینبی
یاتما راحت قبرده یاندیم بابا یا مصطفی
.
.
یا رسول الله نه راحت یاتموسان کفاره باخ
آت دوشونده پابرهنه عترت اطهاره باخ
شه گیدوب شهزاده لر گورنه قالوب آواره باخ
یاتما راحت قبرده یاندیم بابا یا مصطفی
.
.
آغلا بو غمده علومی دیدۀ خونباریله
قسمت اولسا کربلا بیر ایل سنّه زواریله
بو زبانحالی اوردا ذکر ایت آه و زاریله
یاتما راحت قبرده یاندیم بابا یا مصطفی
.
.
.
#فاطمیه_علومی_تبریزی
#فاطمیه_شهادت
#یاتما_راحت_قبرده_یاندیم_بابا_یامصطفی
#ترکی
.
#زبدةالاشعار
.
: @nohe_torki