شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
ثابت اردبیلی
.
گیوبدو لوح قلم قاره ماسوا یخلوب
زمینه عرش خداوند کبریا یخلوب
.
مداری ترک ایلیوب نیّر زمین و زمان
بلالی وادیه ده فوج انبیا یخلوب
.
دوشوب تلاطمه ارض و سما قیامتدور
محمد عربی حجت خدا یخلوب
.
باتوبدی شمس و قمر کوکبان اولوب ظاهر
قلجلانان باشی محرابه مرتضی یخلوب
.
بهشت قصرلریندن گلوب خانم زهرا
جگری پارچالانان اوغلی مجتبا یخلوب
.
ایاق بالین باش آچوق فاطمه دیر بو سوزی
رکابدن بره سلطان کربلا یخلوب
.
بنی امیّه دن الله آلار حسین قانین
یارالی شیر خدا اوغلی برملا یخلوب
.
الینده خرداجا قزلار سو جامی لب تشنه
هاموسی خیمه قباقنده جا به جا یخلوب
.
بیری دیردی بی بی بس همانی عموم عباس
فراتون اوسته بدندن قولی جدا یخلوب
.
بویوردی حضرت زینب او اوچ باشندا قزا
بو چولده قامتی رعنا او باوفا یخلوب
.
جمالی قان یوزی قان پیکری سراسر قان
آناسنی قویان آغلار او مه لقا یخلوب
.
طویی عزایه دونن قاسم جوان غیور
یاخوبدو اللرینه قانیدن حنا یخلوب
.
آچوبدی باشنی لیلا ئولوب جوان اکبر
منای حقّه سوسوز دینه جان فدا یخلوب
.
باتوبدو قرمزی قانه قزیم بنی هاشم
کنار نهرده قانه باتان لوا بخلوب
.
علینون حقّنی اثبات ایدوب حسین قانی
امامی قویدی یرینده بو رهنما یخلوب
.
حسینمون بدنى قالدی اوخلار آلتندا
بو قدری ظلملره قارداشیم رضا یخلوب
.
.
سوسوز دوداقلارینا جانمیز فدا آزدور
بو کربلانی حسین ایتدی کیمیا بخلوب
.
سوروندی یدّی قدم اندی قانلو گوداله
یازلدی نوحه حسینه دگوب یارا یخلوب
.
بلا چولونده بلانی حسین قبول ایندی
ایدوبدی زینبنی درد و بی دوا یخلوب
.
باشی سوسوز کسلوب یدّی ضربتیله بو گون
ایدوبدو عالم دنیانی غم فزا یخلوب
.
اسیر اولوب حرمی قیزلاری ایکی باجیسی
ملکلر آغلادی خاک اوسته نه سما یخلوب
.
یزیدی ایلدی مغلوب آخان بو ثارالله
کنار علقمه باخ قامت رسا بخلوب
.
گلوبدو مریم و سارا خدیجه دیده پر آب
چوخور یره یتشوب باشدا بیر قرا یخلوب
.
حسین یارالارینی گلدی اؤپدی آل عبا
بو گون قیامت اولوب عالم بقا یخلوب
.
حسین فاطمیه ساخلیوب عزا الله
یارالی سینه سینه ختم انبیا یخلوب
.
غریبه منظره وار کربلا مناسینده
بدنی اوخلی یره شاه نینوا یخلوب
.
آلوبدی دوره سینی خورداجا خانم قزلار
علی اصغر شش ماهه دلربا یخلوب
.
امام حسن گوزونون نوری خردا عبدالله
اولوبدی ساق قولی شمشیریلن جدا یخلوب
.
عموسینون سینه سی اوسته باشی ذبح اولدی
آناسی خیمه سراده گیوب قرا یخلوب
.
ایکی جوان بالاسی زینبون باتوب قانه
اولوبدی عشق حسیندن دل آشنا یخلوب
.
رقیه نی خبر آلما گلوب گوره آتاسین
حسین جنازه سینون اوسته بی نوا یخلوب
.
دوداقلارین کسیلن حلقنه تویوب آغلار
دیردی ظلمله بو خانمان بابا یخلوب
.
بو چولده قویما منی ئلدوره بو شمر و سنان
بابام عموم گوزی شهلا اولان اخا یخلوب
.
آتا یانندا اورک یاره لی گوزی یاشلو
بو تازیانه لر آلتا اسیر بالا یخلوب
.
بو ظلملر قالاجاق یرده با امام زمان
بالا یانندا برهنه یره آتا یخلوب
.
آتا بالا بوبانوب قانه قانلو مقتلده
حسین مصیبتینه اولدی مبتلا یخلوب
.
حسین حسین قاپووا ثابتون دخیل گلدی
اوزون نظاره ایله نو کرون آقا یخلوب
.
.
.
.
#حسینیه_ثابت_اردبیلی
#حسینیه_شهادت
#گیوبدو_لوح_قلم_قاره_ماسوا_یخلوب
#ترکی
.
✍️ #زبدةالاشعار ✍️
.
🆔: @nohe_torki
نظر دهید