یاتمیشدی وئردی هاتف غیبی ندا علی #حیدریه_علی_شهودی

در شهادت حضرت امیرالمومنین علیه السلام
.
.
.
علی شهودی
.
.
یاتمیشدی وئردی هاتف غِیبی نِدا علی
اِی آخرت مسافری دور توش یولا علی
.
وقت وصال چاتدی یئتیشدی باشا فراق
گوزلور یولون بهشتده خیرالنسا علی
.
تعجیل قیل کی صبح آچیلین جاق روانه اول
یئت بارگاه وصل خداونده یا علی
.
فتوا وئریبله قتلینه جَهال کینه جو
حاشاکی ائیلییه اولارا اِعتنا علی
.
سن سهم وئرمدین بیزه واجبدیر اولمگین
یوخ والله آیری سوز بودو تک ماجرا علی
.
باش سجدده جهالت ائدیب قتلینه قیام
مشغول دور عبادتده ائیلیر دعا علی
.
بیردن بیره زمین و زمان دگدی بیر بیره
سس گلدی کی یئخیلدی سُتون سَما علی
.
محراب کوفده باشینی قویدو توپ راغا
گویا کی دوشوبدی مشکله مشکل گشا علی
.
بیر سجده ائیلدین حَقِ مَنانه حالیلن
غبطه یئدی او حاله بوتون ماسوا علی
.
سن بیر گونش کیمی گئجه نین باغرینی یاریب
ائتدین بوتون اُفق لری غرق ضیا علی
.
بیر سرّسان کی عالم خلقتده تا بوگون
کیمسه ائدنمی یبدی سنی بر ملا علی
.
چوخلار بو سوزله حیرتین اظهار ائدیب سنه
بیلمم بشر دئییم سنه یا کی خدا علی
.
سندن سورا یتیم قالار مسند قضا
سندن سورا عدالت اولار بینوا علی
.
سن معدن کرامت و دریای جودسن
شاهلار سنون قاپوندا اولوبلار گدا علی
.
من اهل بیت شاعری یم یوخدو بیرکسیم
حاجاتیمی کرم قیلیب ائیله روا علی
.
نامرد آدام الینده گرفتار اولموشام
تیر شمادتیله وورور هی یارا علی
.
بیر ظاهر الصلاح کی یوخدور صداقتی
بیجا یئره دئییر منه هی افترا علی
.
من سن کیمی امیره پناهنده اولموشام
ائیله منی بو بند ستمدن رها علی
.
.
.
#حیدریه_شهادت #حیدریه #علی_شهودی
#یاتمیشدی_وئردی_هاتف_غیبی_ندا_علی
#ترکی
#زبدةالاشعار