کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
گل اوسته اوج ایلسه بلبلون فغانی ویرالّار
یارالی بیر بدن اوسته مگر بالانی ویرالّار
.
ویراندا قمچی قولون حایل ایلسه زینب
اوتانمیوبله او غمدیده بینوانی ویرالّار
.
آچاندا شکویه دل گر گل اوسته بیر بلبل
درنده غنچه و گل یوخسا باغبانی ویرالّار
.
صود اولسا صود امره زهردار تیرو خدنگ
باشین جداده گوروب آغلاسا آنانی ویرالّار
.
جوان بالاسی ئولن غصّه دن اولان مجنون
ستمله لیلی غمدیده ،بی بالانی ویرالّار
.
دوشنده ذورق حق قان ایچینده گردابه
خدا رضاسی بولوب اوندا نا خدانی ویرالّار
.
باخاندا گوزلری نهر فراته حسرتیله
سوسوز بو غازینه ذوبین خونچکانی ویرالّار
.
سو اولمیاندا آلا دستماز امام زمان
او دور که قلبینه تیر شرر فشانی ویرالّار
.
اولاندا آب وضو قلبینین آخان قانی
گینه او حالیله قلب و دل جهانی ویرالّار
.
ویرنده روح قدس شه مقابلینده اذان
حبیبین شاهه بابا سنگ حونچکانی ویرالّار
.
قویاندا سجده گهه قبله گاه کون و مکان باش
ولیک سجده ده سلطان ماسوانی ویرالّار
.
هوای سیم و زریله سپاه کینه صفت
امید بند دل شاه لا فتانی ویرالّار
.
شریح شوم ویرب تا امام قتلینه فتوا
اودور که حال وله ده شهید کربلانی ویرالّار
.
سوسوز یارالی شه اوز امتین دعا ایلینده
اوتانمیوب ایله بیر شاه مهربانی ویرالّار
.
کسن زمانیده باشین گورنده کسمه سه خنجر
یارالی رأس ذبیح من القفانی ویرالّار
.
چخاندا چکمه لی عرش خدایه شمر لعین
بیری بیرینه تمام هفت آسمانی ویرالّار
.
گلنده قتلگهه داده خیمه دن زینب
یگانه بند دل خَیرةُ النسانی ویرالّار
.
سالاندا شمری یره جلوه گاه یزداندان
او دمده شیر زن دشت کربلانی ویرالّار
.
دییر اودور او زمان شمره، زینب محزون
جان اوسته بیر یارالی خسته پیشوانی ویرالّار
چاتوبدی باش یاشا اوخ سینه سینده ای ظالم
یارالیه یارا اوستن مگر یارانی ویرالّار
.
آدوندی مسلم اوزون کاخ دینی یخدیروسان
اودور کلام خداونده مقتدانی ویرالّار
.
بو شاهباز حقیقتدی پر آچوب اوخدان
گهی داشیله اونی، گه ولی همانی ویرالّار
.
غلام دور بو شهه آدم و کلیم و خلیل
اوتانمیوبدوله مخدوم انبیانی ویرالّار
.
شمیم زلفی ویروب دم مسیحه روز ازل
ستمله تمام حور و انس و جانی ویرالّار
.
حقیقتین گونودور قتلگاه مغربیدی
گونی غروبه مگر که دوشن زمانی ویرالّار
.
بو بیر وجودی نقدری گرکدی سیز ویراسوز
اوخی اوخ اوسته سنان اوسته سنانی ویرالّار
.
اگر سوسوزدی اوزی وار بینده آب بقا
یگانه ساقی آب و می بقانی ویرالّار
.
اگر کسیله اَلی بیعته الین ویرمز
ندندی رهبر آزاد مرد اولانی ویرالّار
.
ویروبلا دامن اسلامیده لکۀ ننگ
سیلنده لکۀ ننگی آخاندا قانی ویرالّار
.
اولوبدی منجی عالم بو قلنه غرق اولونان
سیزون نجاتوزه باعث اولانی ویرالّار
.
شرار عشق دوشوب قلب” هادیه “او یازوب
گل اوسته اوج ایلسه بلبلین فغانی ویرالّار
.
.
.
#کوچ_کربلا #هادی_تبریزی
#گل_اوسته_اوج_ایلسه_بلبلون_فغانی_ویرالار
#ترکی
.
✍️ #زبدةالاشعار ✍️
.
🆔: @nohe_torki
نظر دهید