یات رقیه جان ای گل خزان #حضرت_رقیه_ناطق_اردبیلی

حالات حضرت رقیه (س) در خرابه شام
..
..
..
#سبک_نهر_علقمه_قویدی_چون_قدم
مشابه
..
..
..
مرحوم ناطق اردبیلی
..
..
..
یات رقیه جان ای گل خزان
بلبل مدینه م ناز پروریم یات
بو خرابه نی ایلدون مکان
ای سرور سینه م غنچه ی تریم یات
.
ای منیم انیسیم یار و همدمیم یات
هر گئجه شریک محنت و غمیم یات
..
..
..
..
..
راحت اول قزیم کئچدی ذلّتون
ال گوتوردی سندن شمر نامسلمان
یوخلا بیر زمان گر چه بالشون
پاره کرپیچ اولدی ای یتیم نالان
بو خرابه دور منزلون سنون
یوخ چراغ و فرشی توپراق أوسته وئر جان
غربت ئولکه دور اولمادی کفن
وار کفن یرینه قاره معجریم بات
..
..
..
..
..
رسمیدور بالا جان وئرنلرون
باشی اوسته قرآن ایلمک تلاوت
صاغ دگل نئوم یار و یاوریم
نینواده ایچدی شربت شهادت
بیر گمانمیز عابدینه وار
باغلیوب طنابه شمر باعداوت
یوخدو بیر کسیم دادخواه اولا
قارداشیم اباالفضل عون جعفریم یات
..
..
..
..
..
روز و شب سنی شهر شامه تک
زحمتیله گتدوم قلبیم اولدی پاره
گاهی سؤیلدون عمّه جان آجام
نسگل اولدی دردون قلب داغداره
خویش و اقربا اولمادی نئدوم
رسمیله جنازون حمل ائدوم مزاره
ای جنازه سی خار اولان قزیم
نور چشم اکبر ماه أنوریم یات
..
..
..
..
..
یدّی قارداشیم تشنه جان وئروب
دشت کربلاده قالدیلار کفن سیز
شمر بی حیا ووردی نیزیه
گزدیروب جداده باشلارین بدن سیز
کاروانمیز کوچ ائدن زمان
من نجه گئدوم بس کربلایه سن سیز
قدّیمی کمان ایلدی غمون
دوندروب خزانه سولدی گوللریم یات
..
..
..
..
..
سن رقیّه ی نازدانه سن
عزّت و جلالون یتمز انتهایه
باش آچوق گوروب گون حرارتین
ایستمزدی سالسون اولماسیدی سایه
سبط مصطفی نور دیده سی
جدّیوه اولوبدور جبرئیل دایه
بی وفا فلک کجمدار ائدوب
ظلم الیله کسدی بال و شهپریم یات
..
..
..
..
..
ایستدی سنی شمر دون ویرا
هر زماندا وئردیم قوللاریم قباقه
بیرده گورمرم گل عذاروی
گل قویاق سنیله بیر دوداق دوداقه
حاجتی بودور «ناطقون» گلوب
تا که زایر اولسون سن یاتان رواقه
اجر و مزدینی واگذار ائله
محشره گلنده وئرسون اکبریم یات
ای منیم انیسیم یار و همدمیم یات
هر گئجه شریک محنت و غمیم یات
..
..
..
..
..
#حضرت_رقیه #ناطق_اردبیلی
#حضرت_رقیه_شهادت
#یات_سکینه_جان_ای_گل_خزان
#ترکی
#زبدةالاشعار