یاحسین آدیوی بازیچه ائدوب نادانلار #پندیات_بیدقداری

#پندیات
.
.
.
مرحوم حاج داود بیدقداری
.
.
یاحسین آدیوی بازیچه ائدوب نادانلار
ایتیروبلر یولی مین رنگه دوشن انسانلار
.
دیلده سسلولّه سنی دلده یقین یوخلاریدی
دوز دئین آزدی دوتوب رنگ ریا ایمانلار
.
درس آلان یوخدی نجه عهدیوه ایفا ائلدون
عنکبوتین ایوینه بنزر اولوب پیمانلار
.
اللهین حکمینی اجرا ائلین آزدی ولی
خوش سسیله اوخونور جامعه ده قرآنلار
.
یوخسولون ریشه سینه تیشه وروللار علنی
هرزه اوتلارسیاقی گونده بیتن سلطانلار
.
بیرشریح اوندا واریدی قیزیلا ساتدی ئوزون
ایندی یوز یوز ساتیلور سکه لره وجدانلار
.
باغلاری شخم ائلیوب اود قالیوللار یرینه
الی قوینوندا باخور حسرتیله باغبانلار
.
ممکن اولمور چوخونا بیرگجه قارنین دویورا
ولی بیر عده یه اوست اوسته گیدور احسانلار
.
یوخدی امکان چوخونا پول وئره داروسین آلا
واردی بیر عدّه یه ده سایسز اولان امکانلار
.
ایش قالوب #مهدیِ موعوده بو ئولکه دوزه له
بلکه بیرده بیتیره سروچمان بستانلار
.
#یاحسین_آدیوی_بازیچه_ائدوب_نادانلار
#ترکی
#زبدةالاشعار #حسینیه_بیدقداری #بیدقداری #مهدیه