یاحسین بزم عزاده آغلاروق #سجادیه_سیدبشیرحسینی

شهادت امام سجاد علیه السلام
.
زبده الاشعار
.
?: @nohe_torki
.
سید بشیر حسینی میانجی
.
یاحسین بزم عزاده آغلاروق
جمع اولوب ماتمسراده آغلاروق
جان وئروب بیمار دشت کربلا
یاس دوتوب زین العباده آغلاروق
.
.
آغلیوبدور او اوتوز بئش ایل سنه
سو وئروبدور گوزیاشیلان گلشنه
وار یقین جان اوسته آغلارمیش گئنه
بو جهتدن فوق العاده آغلاروق
.
.
تاپشیروب کربوبلانی بیزلره
شرح ائدوب درد و بلانی بیزلره
اؤرگدوب راز دعانی بیزلره
اُول غریبه اَل دعاده آغلاروق
.
.
آه او گوندن گؤزلری آغلار قالوب
سینه سی لاله کیمی داغلار قالوب
قولاّری زنجیریله باغلار قالوب
محنتی اولدی زیاده، آغلاروق
.
.
کربلاده چوخلی عطشانی گؤروب
علقم اوسته جسم سقّانی گؤروب
آلتی آیلیق تشنه قربانی گؤروب
سالّوق اُول مظلومی یاده آغلاروق
.
.
اؤز غمین اُول غمگسار آسان سانوب
غم اؤدیلا اؤد دوتوبدور اؤدلانوب
زهریله آخر یانان قلبی یانوب
نی کیمی دشت نواده آغلاروق
.
.
قبری زینتدور بقیعه گول کیمی
حیف اولا پؤزقون قالوب سونبول کیمی
آغلیار زائرلری بولبول کیمی
یاد ائدوب زیرِ لواده آغلاروق
.
.
مکّیه گئتساق گؤرنده زمزمی
ایلَروق گؤزده مجسّم علقمی
تشنه قربانلارین اولّوق همدمی
سس چکوب قانلی مناده آغلاروق
.
.
آغلیوب سجّاد چون دائم سنه
آغلاروق بیز قائم و صائم سنه
منتقمدور حضرت قائم سنه
او گلینجه غمسراده آغلاروق
.
.
آغلیور باغ و چمنلر یاحسین!
یاس دوتوبدور یاسمنلر یاحسین!
بو «بشیر» و سینه زنلر یاحسین!
قسمت اولسا کربلاده آغلاروق
.
.
.
مشابه به سبکهای
#سبک_اویان_ای_یار_وفاداریم_اویان
#سبک_کربلا_قبله_عشقیمدی_منیم
#سبک_کوفیان_گور_نجه_یاندیردی_منی
.
.
.
#سجادیه_شهادت
#یاحسین_بزم_عزاده_آغلاروق
#سیدبشیرحسینی
#ترکی
.
#زبدةالاشعار
.
?: @nohe_torki