زبدةالاشعار

ای طفل لب عطشانیم یات #اصغریه_مصیبی_تبریزی

«زبانحال رباب با شش ماهه علی اصغر»
در شب عاشورا
.
✍️ زبدة الاشعار ✍️

?: @nohe_torki
.
محمد علی مصیبی تبریزی
.
سبک : ایوای یارالی جان یارالی …
.
ای طفل لب عطشانیم یات
وی مرغ خوش الحانیم یات
.
ای نار غمده اودلانان یات
اوچ گون سووا حسرت قالان یات
بو چولده یوخ عشقی آلان یات
.
((لای لای نواسیز بلبلوم یات
لای لای بالام لای لای گولوم یات))
.
.
.
.
باشدان بالا سوفکرین آت
بس دی؛آناوی آز آغلات
.
ای گوزلری بنزر سُهیله
گوزیاشیوی بنزتمه سیله
یاندیم منی یاندیرما بیله
.
((لای لای نواسیز بلبلوم یات
لای لای بالام لای لای گولوم یات))
.
.
.
.
گول تک سارالوبسان سنده
سندندی آنان شرمنده
.
بو کوفیان قان قان دیوللر
هئچ گور قوناقی یۆخلیوللر
کیم ایستیور سو، اوخلیوللر
.
((لای لای نواسیز بلبلوم یات
لای لای بالام لای لای گولوم یات))
.
.
.
.
آزسینه می اوغلوم داغلا
چالما ال ایاق آز آغلا
.
سن آغلادیقجا آغلارام من
چوخ آغلاسان دل داغلارام من
والله الیوی باغلارام من
.
((لای لای نواسیز بلبلوم یات
لای لای بالام لای لای گولوم یات))
.
.
.
.
یوز سالدیم عمون عباسه
باخسون بو سارالمیش یاسه
.
اگدی باشین عباسه علقم
امّا سو اخیامه چاتان دم
اوخلاندی مشکی یاتدی پرچم
.
((لای لای نواسیز بلبلوم یات
لای لای بالام لای لای گولوم یات))
.
.
.
.
احوالیوه عالم آغلور
مخیمده رقیّم آغلور
.
بو حالیوه اولدوزلار آغلور
اخیامیده باشسیزلار آغلور
سن آغلینده قیزلار آغلور
.
((لای لای نواسیز بلبلوم یات
لای لای بالام لای لای گولوم یات))
.
.
.
.
بیر ماه ملک منظرسن
روحیم قوشونا شهپرسن
.
ایلور منی بیر سۆز مکدّر
بولمور مگر بو فوج لشکر
دریا قوتولماز ایچسه اصغر
.
((لای لای نواسیز بلبلوم یات
لای لای بالام لای لای گولوم یات))
.
.
.
.
قورخوم بودی صولسون گلشن
یولسون گولیمی اهریمن
.
غربتده قان آغلار وطنسیز
گوللرصولار قالسا چمن سیز
نیلور آنان دنیانی سن سیز
.
((لای لای نواسیز بلبلوم یات
لای لای بالام لای لای گولوم یات))
.

متن پیشنهادی:  یتیشوب موسم فرقت آنا قربانون اولوم #فاطمیه_دلکش_زنجانی

#سبک_ایوای_یارالی_جان_یارالی
.
#اصغریه_شهادت
#حضرت_رباب
#شب_عاشورا
#ای_طفل_لب_عطشانیم_یات
#مصیبی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی