یاحسین بیر سنون عشقون منی بازاره چکوب #حسینیه_یعقوبی

مدح امام حسین (ع)
.
#زبدةالاشعار
.
: @nohe_torki
.
حاج حسن #یعقوبی
.
یاحسین بیر سنون عشقون منی بازاره چکوب
شکَّر لطفودی طوطی کیمی گفتاره چکوب
.
روز ازلده سنون عکسوی دل ملکونده
مانی عشق گوزل وجهیله دیواره چکوب
.
گر تاپام عشقی مُنقّش ایلین نقّاشی
سوروشام او منی علّت ندی آواره چکوب
.
ناز چکماقلقا عاشق، ولی نقّاش ازل
ایتماقا ناز همیشه نیه دلداره چکوب
.
سلطنت ایلوری ملک دله عشقون شاهی
من مسکینی اوزی اولدوقی درباره چکوب
.
رشته زلفی سالوب گردنیمه لیلی مثال
منی مجنون ایلیوب آردیجا کوهساره چکوب
.
آتش شمعه گرکدور یانا هر پروانه
عشقیده بلبل شوریده نی گلزاره چکوب
.
من یعقوبونی عشقوندی ایدوب دیوانه
هر گون، هر آی، هر ایلی کوچه و بازاره چکوب
.
#حسینیه_مدح
#یاحسین_بیر_سنون_عشقون_منی_بازاره_چکوب
#ترکی
.
#زبدةالاشعار
.
: @nohe_torki