ای اورکلردن آلان صبر و قراری کربلا #محمد_هوشمند

آرزوی زیارت کربلا
.
✍️ زبدة الاشعار ✍️
?: @nohe_torki
.
کربلایی محمد هوشمند
.
ای اورکلردن آلان صبر و قراری کربلا
سنده دور یئتمش ایکی عاشق مزاری کربلا

.
هر زمان حسرت چکیر توپراقیوه اهل ولا
تربتینده واردی هر بیر چاره سیز درده دوا
فخر ائدیر عالم اولا سنده یاتان شاهه گدا
درس عشقین سنده دور آموزگاری کربلا

.
نه جلالت سنده وار افلاک باش اگمیش سنه
سنده بیر گول وار جهانی دوندریب دی گلشنه
جانیمز قربان او ششگوشه صفالی مدفنه
شوق وصلی الدن آلمیش اختیاری کربلا

.
سنده قان اولدی عطشدن اهل بیتین سینه سی
خرد اولوب سنگ جفاییله وفا آئینه سی
دفن اولوب توپراقیوه اسرار حق گنجینه سی
سنده دور اهل ولا باغ و بهاری کربلا

.
ای مقام و رتبه سی عرشیله همپایه اولان
غبطه ائیلیر سنده کی جاه و جلاله آسمان
قتلگاهونله قیاس اولسا اگر کل جهان
رتبه ده افضلدی وار چوخ اعتباری کربلا

.
قتلگاهون با فضیلت دور منای کعبه دن
سنده وار آرتیق صفا سعی و صفای کعبه دن
فیض عظمایه چاتوبسان مقتدای کعبه دن
سنده دور عشق اهلینین دار و نداری کربلا

.
سنده بیر عده قوناق اولدی سوسوز سالدون یولا
ویرمدون بیر مشک سو حیدر اوپن صاق و صولا
راضی اولدون اوخ دگن مشگه اورک قانی دولا
ائیله دی شرمنده اوخ اول نامداری کربلا

.
ناقه حقی او گون اهل ضلالت پیله دی
حضرت عباسی قیزلاردان خجالت ائیله دی
بیلمورم زاغ و زغن ال تاپدی شیره نیله دی
پهلوانین خرداجا اولدی مزاری کربلا

.
سنده عاشورا گونی قانه باتیب اهل وفا
قالدی آغلارهم باجی هجرانه یاندی هم آنا
بیر به بیر دوغراندی تیغ کینه آل مصطفا
اوخلادی حتی عدو دلسیز شکاری کربلا

.
شیشه آمال زینب دگدی هجران داشینه
اوندا کی گوردی عدو رحم ائیلمیر قارداشینه
چاره سیز قالدی بیر آز توپراق سووردی باشینه
گوردی دوشموش توپراق اوسته شهریاری کربلا

.
گلدی زینب قتلگاهه گوردی بیر باشسیز بدن
گون قباقینده قالیب توپراقلار اوسته بیکفن
یوخ بدنده صاف یئری دورین آلیب زاغ و زغن
یوخدی جسمینده یارالارین شماری کربلا

.
سسلدی بو پاره پیکر نور عینمدور منیم
گر چی یالقیزدیر اوزی یار و معینمدور منیم
کربلا ائله رعائت بو حسینمدور منیم
یاخشی ساخلا زینبین یوخ کیمسه یاری کربلا

.
شوق وصلیله قلم “مدهوش” اولوب ائتدی نوا
اشک حسرت گوزده باشدا شور دیلده جان آقا
جانیمز اولسون او آلتی گوشه لی قبره فدا
دلنشین ائیلیر عجب شعر و شعاری کربلا

.
#سبک_زینبم_جان_اوستیم (4 سبک )

.

#کربلا
#آرزوی_کربلا
#ای_اورکلردن_آلان_صبر_و_قراری_کربلا
#مدهوش_تبریزی
#ترکی
.
✍️ #زبدةالاشعار ✍️
?: @nohe_torki