زبدةالاشعار
گل

یادا سالدیقدا سنی دیده خونبار آغلار #غزل_سیدعظیم_شیروانی

هجر آتشی
.
.
سید عظیم شیروانی
.
.
یادا سالدیقدا سنی، دیده ی خونبار آغلار
یار هجرین چکن، البتّه کی ناچار آغلار
.
بلبل بیدل الیندن اوزولوب دامنِ گول
گئجه لر صبحه کیمی ناله چکیب، زار آغلار
.
شادیکن وصلینیله کؤنلومه غم چکدی هجوم
اولدو مین گونه یئنه درده گرفتار، آغلار
.
تابِ تب، ظُلمت شب، محنت غربت، غم یار
ائیلمز تاب بو محنتلره بیمار، آغلار
.
بس که شب تا به سحر آغلاماق عادتدی منه
همدم اولموش منه یکسر در و دیوار آغلار
.
من که هجر آتشینه یاندی وجودوم، بالله
منیم احوالیما دوزخده یانار نار، آغلار
.
او قده ر آغلادی سیّد غمِ هجرانیله
که اونون حالینا بو چرخِ ستمکار آغلار
.
.
#غزل #سیدعظیم_شیروانی #مهدیه #ترکی #زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...