حسینچی
.
✍️زبدة الاشعار✍️
?: @nohe_torki
.
روح الله رمضانی ( خاکی )
.
آلوبدی رتبه شایان حسینچی
اولوبدی مفخر دوران حسینچی
.
ائدن گوزیاشلاری دینه حمایت
معین ویاورقرآن حسینچی
.
مقام ومنصبی فخردوعالم
گرامی بنده جانان حسینچی
.
وئرن رونق عزای شاه دینه
اولان بزم غمه دربان حسینچی
.
دلیل گرمی بازارماتم
چراغ خانه احزان حسینچی
.
قراپرچملره چپ باخسادشمن
جوشارغیرت اولارلرزان حسینچی
.
مرامی عالیدورمقصودی نیکو
ائدرترویج دین هرآن حسینچی
.
اولان اندیشه سی کسب کمالات
رئیس معرفت جویان حسینچی
.
مبرّادی حسینچی بدعملدن
مطهرشخصیدی یاران حسینچی
.
حسینچی اولماقین وارچوخ شروطی
اولانمازهرحسین گویان حسینچی
.
حسینون عاشقی بیراهه گتمز
چیخاهیهات دوزیولدان حسینچی
.
حسینون درگهی دوزنوکرایستر
مباداولسون ستمکاران حسینچی
.
حمایت ایلمزظلامه هرگز
اولارحامی مظلومان حسینچی
.
حسینچی دینینی دیناره ساتماز
چتین اولسون رباخواران حسینچی
.
اولارکی ایشلری چک خیردلاماقدی
بلنچی شخص اولارهاردان حسیچی
.
کف اخلاصه قویموش نقدجانین
حسینه ایلیه قربان حسینچی
.
حسینون عشقینه داروندارین
وئررالدن اوباایمان حسینچی
.
قویوبدی باشینه تاج سعادت
اولوب تاج سرخوبان حسینچی
.
عبادتدی حسینیم وای شعاری
حسینیم وای دیرهرآن حسینچی
.
اوناواردی خدانون ویژه لطفی
اولارتزشامل غفران حسینچی
.
گناهی اولسادا آلله باغیشلار
اولاندا دیده سی گریان حسینچی
.
اولارروزجزاده هامیدان تز
مقیم روضه رضوان حسینچی
.
بویورموش بوسوزی خاتون محشر
قولاق وئرتادئوم الان حسینچی
.
حسینه آذریلرتک دوتون یاس
بویوردی مفخرنسوان حسینچی
.
خوش اولسون حالوزه ای آذریلر
اولوب شهروزآذربایجان حسینچی
.
آل عشقین درسینی پروانه لردن
هراسی ذره یوخ اودان حسینچی
.
گزرمین شوقیله اطراف شمعی
اولونجا پرلری سوزان حسینچی
.
گل ایندی اولما سن پروانه دن کم
گجه گوندوز ائله افغان حسینچی
.
حسینچی اولماقی زینبدن اورکش
ائدردی گوزیاشین باران حسینچی
.
گلردی نی کیمی هردم نوایه
سالاردی ناله سین عرش خدایه
.
ائشیتدی قارداشین قرآن صداسین
ساتاشدی گوزلری نوک جدایه
.
گورنده نیزده راس حسینی
دئدی قارداشیناجان جان حسینیم
.
اوخی قرآن اخانیزه باشیندا
بوگون رسوا اولا عدوان حسینیم
.
اوخی کهف آیه سین ظلم یزیدی
ائله عالملره اعلان حسینیم
.
اولوبدی کوفه ده دل داغلی زینب
اسیردردبی پایان حسینیم
.
قالاحاشا باجون قارداش سلامت
سنیله باغلیوب پیمان حسینیم
.
بلالی باشیمی محملده یارام
سوزرپیشانیدن القان حسینیم
.
الیم چاتمورسیلم قانلی جمالون
طنابه باغلیام قولدان حسینیم
.
کول اوسته بسترون کیم سالدی قارداش
کیمه گئتدون گجه مهمان حسینیم
.
قوناقین حرمتین واجب ائدوبدی
جهانه خالق سبحان حسینیم
.
ولی خولی عمل ائتموب بوامره
اولوب خصم حق منان حسینیم
.
یاتاردون سینه ی زهراده قارداش
دونیدی محوردوران حسینیم
.
اوباشی که قویوب خولی تنوره
گلابیله یودی رهبان حسینیم
.
#حسینیه_مدح
#کوفه
#آلوبدی_رتبه_شایان_حسینچی
#رمضانی_خاکی
#ترکی
.
✍️ #زبدةالاشعار ✍️
?: @nohe_torki
نظر دهید