حالات شهادت حضرت علی اصغر (ع)
.
#زبدةالاشعار
.
: @nohe_torki
.
عیار اردبیلی
.
یارب اوچ پر اوخ نئجه دگدی لب عطشان اصغره
درکیدن عاجز قالورهر ذی نفَس هر ذی شعور
.
برگ ریحاندان ،تیکان اصاً مگر الفت تاپار
بُوغدی دریاده بالیق حلقین یدِ صیادِ کور
.
آیری تشبیهی یازیم تا بلکه اثبات ایلیوم
اصغری جلّاد آهن دِل وروب نِی دست زور
.
دست زور آختارمورام چون یوخدی منظوریمده زور
طفله سو گئج چاتساقالماز،بیر بالیق تک در بحور
.
حرمله دوز دور کی صیاد قوی پرتاب ایمیش
یوخ قوی والله حسین تک فی بطون اندر ظهور
.
فَوقَ ایدیهِم اشارت دور کی انسان دور ضعیف
تکجه اللهٌ ودودٌ حَیّ و رحمان وغفور
.
اصغری میدانیده مولا بئله آلمیش اَله
گوییا قرآندی رحل اوسته ائدور ترتیل نور
.
رسمیدور که قاری قرآن گرک خلعت آلا
وئردی خلعت اوچ پر اوخ نامردِ کمتر از سُتور
.
ایستورم سوز قاچمیا تشبیه و عاریت تاپا
خامه بیر مأمور دور یازسین گرک بی رخت و عور
.
حرمله زهرا ائوین جنتده ویران ایلدی
چون بو اوخ جنت مسیریندن کئچوب ائتدی عبور
.
قدسیان ایستور وئره تغییر پیک داوره
لحظه سایماقدان دویوبدور طفل استاد صبور
.
تا یتیشدی بیر بیره نازک گلو اوچ پرّه اوخ
رعد شاخدی گویلره ابلیس اولدی پر غرور
.
اصغری ذبح ایلدی خنجر دمینده شکّی یوخ
مدرک جرمی قالوپدور تا ابد فی نفخ صور
.
بیر سوسوز طفلین نقدری قان مگر جسمینده وار
ارغوانی رنگ اولوبدور آسمان راه دور
.
نیمه شبلر سوز یازور (عیّار) مستانلار کیمی
شایداولسون یازدیقون شعرون چراغی بهر گور
.
.
#اصغریه_محمد_وهابزاده
#اصغریه_شهادت
#یارب_اوچ_پر_اوخ_نئجه_دگدی_لب_عطشان_اصغره
#ترکی
.
#زبدةالاشعار
.
: @nohe_torki
نظر دهید