یا حسین
.
✍️ #زبدةالاشعار ✍️
.
🆔: @nohe_torki
.
شهنام آریانی «غریب اردبیلی»
.
عشقیوه دل بسلیوب دور اهل عالم یا حسین
آدیوه مجذوب اولوبدور نسل آدم یا حسین
.
.
نسل آدم نِی فقط مخلوق عالم یکسره
عاشق اولموش سن کیمی بی مثل و همتا دلبره
انس و جن و هم ملک جان الده دورموش صفلره
بیر اشاره یلن ایده قربان سنون تک رهبره
ویرموش الله پای سنی زهرا و مولا حیدره
غبطه ایلر شأنیوه عیسی بن مریم، یا حسین
.
.
ای وجود پاکی اولموش عالمینون سایه سی
ای مقدس آدی اولموش شیعه نون پیرایه سی
رتبه ده هیچکس اولانماز رتبه وین همپایه سی
ویردیقون قاندان اولوب محکم بو دینون پایه سی
حفظ اولوب دهر ایچره بو قانیله قرآن آیه سی
فخر ایدوب دائم سنه عرش اوسته خاتم، یا حسین
.
.
عشق عالم بیر یانا، عشقون حسین جان بیر یانا
سن حسین جان بیر یانا، یکسر مسلمان بیر یانا
زینبون تک بیر یانا، نسوان دوران بیر یانا
کربلا تک بیر یانا، شش ماهه قربان بیر یانا
کل قانلار بیر یانا، اصغر ویرن قان بیر یانا
سیز ویرن قانلار ایدوب دنیانی خرم، یا حسین
.
.
هرکس عاشقیدور سنه قلبینده خوش احساسی وار
فخر ایدر عالمده دائم سن کیمی مولاسی وار
تک بیلر عاشق حسینون دلده نه معناسی وار
کیم بیلر معناسینی مولا دل دریاسی وار
دوغرانا دین اوسته هر آن قلب بی پرواسی وار
دوغراناندا عاشیقون سسلر دمادم، یا حسین
.
.
مکتبوندن درس آلان، ظلّامه باش خم ایلمز
ظالمه باش اندیریب خدمت دمادم ایلمز
عمریده اعمال زشت و پست و مبهم ایلمز
دوز اولان عاشق حسین عشقین سنه کم ایلمز
عشقینی کم ائتمین عمرینده هیچ غم ایلمز
چونکی عاشق دردینه عشقوندی مرهم، یا حسین
.
.
کیم سنه بئل باغلاسا حاتملره ناز ایلیر
پر آچوب عشقونله مولا عرشه پرواز ایلیر
عرشیده عشقین آقا، حواریه ابراز ایلیر
غم گونونده عشقیوی تک قلبه دمساز ایلیر
دوشسه هر آن مشگله عشقون تئز اعجاز ایلیر
عاشقی مشگلده قویمازسان مسلّم، یا حسین
.
.
عرشیان واقفدی مولا عزت سرشاریوه
فرشیان آگهدی آقا غیرت و ایثاریوه
عرش و فرش حیران قالوبدی گرمی بازاریوه
عزت آرتردون حسین یتمش ایکی انصاریوه
عاشق ایتدون شیعه نی لب تشنه پرچمداریوه
شیعیان دائم آچور عشقینده پرچم، یا حسین
.
.
چون گلر ماه محرم غم دوتار عاشقلرون
مسجد و بازاریده ماتم دوتار عاشقلرون
دسته لرده ال به ال پرچم دوتار عاشقلرون
پرچم عشقین آقا محکم دوتار عاشقلرون
آدیوین ذکریله مولا دم دوتار عاشقلرون
شیعیان قان آغلیار ماه محرم، یا حسین
.
.
قاره پرچم نصب اولار ماه عزا اعلان اولار
اهلبیتون ماتمینده شیعه لر گریان اولار
عشق عباس و حسینلن ایکی آی طوفان اولار
پرچم سبز ابوالفضل زینت ایران اولار
هم محرم هم صفرده دردیلر درمان اولار
یاس دوتار بو ایگی آیدا عرش اعظم، یا حسین
.
.
یا حسین سن بیل ابوالفضلین جانی امداد ائله
شیعیانی یکسره مولا ئوزون دلشاد ائله
کشور ایرانی قدرتلن ئوزون آباد ائله
کاخ استبداد و ظلمی یا حسین بر باد ائله
قبریده اول گئجه لطف ائت حقیری یاد ائله
داده چات صول الده گر پرونده گلسم، یا حسین
.
.
یاز سن ایثار ابوالفضلدن «غریبا» دفتره
ائت اشاره دفترونده اول دلاور سروره
یاز نئجه وحشت سالوب سقّا دل کافرلره
لرزه ی ممتد سالوب نهر اوسته دورموش صفلره
اوخشادوب اعدا او دم عباسی مولا حیدره
ایلیوب قدرتله یکسر کفری برهم، یا حسین
.
.
یاز سالوب سقّا یولون چون نهر علقم اوستونه
لشگر اعدا توکولدی اوردا باهم اوستونه
تیر و پیکان پر آچوب هر لحظه هر دم اوستونه
قوپدی بیر هنگامه یارب غم یاغوب غم اوستونه
چاتدی قدرتلن ابوالفضل آب زمزم اوستونه
خیمه گاهه سؤیلدی سو الده گلم، یا حسین
.
.
سویلدى آلّام بو نهری سیزدن ای قوم لعین
یول منه سدّ ایلینمز کلّ اشرار زمین
ائتدیگیم پیمانه اقدام ایلرم ای اهل کین
حرف بیهوده دانشماز زاده ى أم البنین
وار قولومدا قدرت حیدر امیرالمؤمنین
سسلسم، سسلر منیله نهر علقم، یا حسین
.
.
ایستدی ایپسین سودان وجدانی بیداد ایلدی
قلبیدن سقّا او دم عطشانلاری یاد ایلدی
تئز بوشاتدی اوجونی نهر اوسته فریاد ایلدی
دام و بند نفسیدن ایمانین آزاد ایلدی
مشکی دولدورماق او دم سقانی دلشاد ایلدی
اشک شوقی آخدی دریا اوسته نم نم، یا حسین
.
.
مشکی دولدوردی ابالفضل ترک ایدوب دریا یولون
سالدی نخلستانه یول بند ایلدی اعدا یولون
سیر ایدوب اما ابوالفضل اوردا بی پروا یولون
خیمه گهده گوزلیور چون تشنه لب مولا یولون
گوزلیور سقانی تشنه حضرت زهرا یولون
سسلیور گل داده قارداش بوردا ئولم، یا حسین
.
.
ائتدیلر اعدای بد فطرت او یرده همهمه
کسیدیلر یول ساقی عطشان نهر علقمه
نیزه و پیکان و خنجر ایتدی غمدن زمزمه
سالدیلار سقّا ابوالفضلین قولون بی واهمه
گلدی قولسوز اوغلونی آغوشه آلسون فاطمه
گل منه یاس ساخلا زهرائیله با هم، یا حسین
.
.
#حسینیه_غریب_اردبیلی
#حسینیه_مدح #ورود_محرم_عباسیه_عباسیه_شهادت
#عشقیوه_دل_بسلیوب_دور_اهل_عالم_یا_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید