یارب بیزی بو قید بلادن ائله آزاد #مناجات_دلریش

مناجات و استمداد از خدای مهربان
#گریز #اربعین
.
#زبدةالاشعار
.
: @nohe_torki
.
مرحوم دلریش
.
یارب بیزی بو قید بلادن ائله آزاد
گوسترّوخ او جانانی که عالم اولا دلشاد
.
.
هر شام و سحر منتظر شاه جهانوخ
طاقت کسیلوب صبر گئدوب چوخ نگرانوخ
آخر بیز عزادار شه تشنه لبانوخ
ایله بو حسین حرمتینه بیزلره امداد
.
.
منسوخ اولونان تک اولوب احکام شریعت
تازه قویولور خلق ایچینه نام شریعت
گر چیخسا غلافیندن أو حسام شریعت
بی شک و بلاشبهه اولور دین ائوی آباد
.
.
ائت نور جمالونله بو دنیانی منور
آل دست یداللهیوه بیر تیغ دو پیکر
نه وقته کیمین طعن انده جک مؤمنه كافر
قویما اولا بنیاد شریعت بئله برباد
.
.
اثناعشری مذهبه چوخ عرصه اولوب تنگ
آیینۀ اسلامه دگوب بدعتیلن سنگ
ای قافله سالار اولوب قافله میز لنگ
جور و ستم اهل جفادن چکروخ داد
.
.
#گریز #اربعین
.
.
باتدی بو گوگول محنت و اندوه و ملاله
بو قافله بیر قافله نی سالدی خیاله
قبرینده حسینین قاریشوب نالیه ناله
آغلار اسرا عرشه چیخوب شیون و فریاد
.
.
زینب یوزینی قویدی او شش گوشه مزاره
قارداشینا درد و غمین ایلردی شماره
عرض ایلدی سندن صورا من بی کس و زاره
گور بیر نه ستملر ائلدی لشگر بیداد
.
.
قول باغلی گئدوب شامه گلوب ئولمدی زینب
بر قدر مصیبت گوره جاخ بولمدی زینب
ویرانه نشین اولدی دله گلمدی زینب
چوخ طعن و شماتت غمی ائتدی منی ناشاد
.
.
قویمادی منی آغلاماقا شمر گئدنده
چوخ آغلامیشام شامیده بو نسگله منده
باری بو بلاکش باجیوا لطف ائله سنده
دوندر گئدرم قیدیدن اولدوم حسین آزاد
.
.
شام ایچره بیزیم صبحیمیزی ایلدیلر شام
قویمادی بیزی اهل جفا لحظه ای آرام
دولمیشدی تماشاگریلن هر ملأ عام
سالمیشدی اشاقه باشینی سید سجاد
.
.
آرتوخ منه بو ظلم اخا ایلدی تأثیر
دوتمور که دلیم ایلوم او ظلمی سنه تقریر
باغلاندی قولوم ووردیلا بیماریوه زنجیر
کلثومی کنیز ایستدیله فرقۀ شداد
.
.
«دلریش» نقدر وار نفس هر صبح و مسا سن
یاز مرثیه دوت شاه شهیدانه عزا سن
آلدانما بو دنیایه ائله فکر جزا سن
آسوده لوخ ایسترسن اگرچه دم میعاد
.
.
#پندیات_مناجات
#یارب_بیزی_بو_قید_بلادن_ائله_آزاد
#ترکی
.
#زبدةالاشعار
.
: @nohe_torki