به نام نامی آقا اباعبدالله
گریز به شام غریبان
..
..
..
شهاب پور اهری
..
..
..
یازدی قلم دفتره نام حسین
گلدی بو سس عالمه مولادی بو
..
قونداقی یدیمجی گویون زیوری
بند دل حضرت زهرادی بو
..
دم بئله مولادن آلوبدور مسیح
قوخما دئنن روح مسیحادی بو
..
جنته ناز ایلینون اوغلودی
پنج تنه گوهر یکتادی بو
..
جدی بونون گویلره معراج ائدوب
غیرت و حرّیِته معنادی بو
..
طیب الانفاسیدی ذاتاً حسین
زینت نُه طاق و ثریّادی بو
..
مرحبی خاکه سالانین اوغلودی
کشتی دین شرحینه گویادی بو
..
قانینه الله اؤزودی مشتری
گور نه گوزل منصبه دارادی بو
..
یازما قلم شرم ائله بیرجه دایان
قطره منم شانیده دریادی بو
..
قطره ندی دریانی تعریف ائده
بحر شرف شافع عقبادی بو
..
کرب و بلانی ائلین گلستان
جوهره ی حضرت طاهادی بو
..
پرچم دین بونلا تاپار اهتزاز
ناجی دین اسوه ی تقوادی بو
..
..
..
کیمدی حسین بضعه ی شاه نجف
خالق یکتادن اولان متّصف
..
..
..
کیمدی حسین سیّد الابراریدور
مظهر ایثاریدی سالاریدور
..
کیمدی حسین: معنى ذبح عظیم
جمله بلیّاته خریداریدور
..
کیمدی مگر معاویه اوغلی یزید
فاسق و دون رهبر اشراریدور
..
ظالمه باش اگمیوب اگمز حسین
سرور و سرکرده ی احراریدور
..
کرب و بلا بونلا تاپوب آبرو
صدر حسین مخزن الاسراریدور
..
تختینی تیترتدی یزیدین حسین
واهمه سیز قامع الاشراریدور
..
پیکری گل مثلی مُورّق اولان
فاطمیه دلبر و دلداریدور
..
هدیه سیدور یئتمیش ایکی جان بکف
نیّتی ارضای دل یاریدور
..
اصغرینی ایلدی دینه فدا
علت اودی زبدة الاخیار یدور
..
وئردی باشین وئرمدی ال ظالمه
گور نئجه اسلامه نگهداریدور
..
اوپدی یقین خاک درین جبرئیل
بیلدی حسین بیر دُر شهواریدور
..
مكه منا، سعی و صفا اوغلودی
صاحب گفتار گهرباریدور
..
شأنینه حیرتده قالوب انبیا
یاور دین خصم ستمکاریدور
..
..
..
شانیوه شاها اولا عالم فدا
سن سن حسین محتشم کربلا
..
..
..
آینه ی ذات خدادور حسین
مشعر و میقات و صفادور حسین
..
کعبه ائوینده اولانون اوغلودی
کلمه ی بسم اللهه باء دور حسین
..
یوم الست عهدینی امضا ائدن
پادشه کرب و بلادور حسین
..
گوزدن آتان بی کمک اطفالینی
غرقه بخون خون خدادور حسین
..
قانیله احیا ائدن اوز دینینی
کشتی دین فُلک هدادور حسین
..
گودی مقتلده چاتان مقصده
کعبه ی دل قبله نمادور حسین
..
عشقی مسخّر ائدوب عالملری
امته بیر شمس ضحادور حسین
..
نوح و خلیل عشقینی تحسین ائدن
شافع ایام جزادور حسین
..
قوملارون اوستونده قالان پیکری
کیم دئدی آیا بو روادور حسین
..
آی کی تنور ایچره خسوف ایلمز
کیمسه بو سودایه رضادور حسین
..
..
..
خصم زبون ظلمده طغیان ائدوب
گور نه جفا زاده ی سفیان ائدوب
..
..
..
پیکری چوللرده کفن سیز قالان
یاتما كول اوستونده بو نوعی اویان
..
گلدی آنان شام غریبانیوه
فاطمه نین قامتین ائتدون كمان
..
زینبی سن گوزدن آتوبسان مگر
قالدی بو صحراده باجون باغریقان
..
هیچ دئموسن هاردادی نازلی بالان
دوره سینی ایندی آلوب کوفیان
..
قول قولا باغلاندی حسین عترتین
شامه گئدورلر دور اوزون وئر اذان
..
ایش هارا چکدی بولوسن یاحسین
یوخدی لزومی ائلیم من بیان
..
قویما مطوّل اولا شعری «شهاب»
سیل سرشگون یوزه اولموش روان
..
..
#حسینیه #شهاب_اهری #حسینیه_مدح #شام_غریبان_تنور_خولی #ترکی #زبدةالاشعار
نظر دهید