ای جداده سیر ائدن شاه اولیا حسین #کوفه_شاهی_اردبیلی

کوفه
.
.
#سبک_مسلمون_شهادتی ( 5 سبک سینه زنی و زنجیر )
.
.
شاهی اردبیلی
.
.
ای جداده سیر ائدن
شاه اولیا حسین
حلقوی طواف ائدیر
روح انبیا حسین
.
.
اگلشیب اگرچی توز آلنووا، عذاروه
منقصت یئتیشمئییب شأنووه وقاروه
کعبه سویلور السلام حلق زخمداروه
مروه اول بوغازیدن اخذ ائدیر صفا حسین
.
.
قاشلارون خبر وئرور فیضدن، فتوحدن
گوزلرون خراج آلور صبحدن، صبوحدن
گؤرمیین او گؤزلری بی خبردی روحدن
گؤزلریم او باصفا گؤزلره فدا حسین
.
.
نطقوی گؤرن دئیور احسن ای امام حق
نحراولان بوغازیدن نشر اولور پیام حق
منبرون جدا اوجی سؤزلرون کلام حق
فخر ائدور بو منصبه روح مصطفا حسین
.
.
زینبه وئرئیدی کاش وقت و فرصت اشقیا
زلفیلن توخئیدی تا نوک نی ده متکا
متکاده اگلشیب ذکر ائدیدون ای فدا
پیکر محبته جان گلیدی تاحسین
.
.
گؤردیلرکی یوخ جواب حجت مبینوه
حربه ی جسارتی ووردیلار جبینوه
دولدی آلنوون قانی چشم نکته بینوه
قانلب گؤزله عشقوه وئردون اعتلا حسین
.
.
نی ده ائیلوسن نظر گؤیده کی ملکلره
یئرده باخموسان ولی اودلانان اورک لره
قمچی لر ورور عدو گل لره چیچک لره
نازنین اوشاقلارون ایلییر نوا حسین
.
.
ای کشیده قاشلاری جانستان و خونچکان
ترپننده کیپریگون عرش و فرش ائدیر تکان
حقی وار دئسون سنه حکمت اهلی لامکان
گر چی ائتموسن مکان نوک نی ده یاحسین
.
.
مات ائدیب ملک لری اوج معنویتون
عقل و علمه سیغماییر شوکت و جلالتون
گیزلنیبدی نورده آفتاب صورتون
تاکی لغزش ائتمه سین فهم اصفیا حسین
.
.
آند وئرّم ای امام حُسن دلپذیروه
جلوه ی جمالوه، طلعت ضمیروه
رحمتیله قیل نظر #شاهی شهیروه
مشکلات ائدیب اونون گوندوزون قرا حسین
.
.
.
#کوفه
#ای_جداده_سیر_ائدن_شاه_اولیا_حسین
#شاهی_اردبیلی
#ترکی
#زبدةالاشعار