زبدةالاشعار

یاز سن قلم بو عنوان جانیم جواده قربان #جوادیه_سیدی_زنجانی

در مدح و شهادت امام جواد(علیه السلام)
.
✍️ زبدة الاشعار ✍️
?: @nohe_torki
.
سید باقر سادات پور (سیدی زنجانی)
.
یاز سن قلم بو عنوان جانیم جواده قربان
جانلار جواده قربان جانیم جواده قربان
گر عاشقن دئی الان جانیم جواده قربان
عشقینده اولدوم حیران جانیم جواده قربان
شاهد بو عشقه جانان جانیم جواده قربان
.
مولا جواد آقادی – درده آدی دوادی
سکّیز یاشیندا شاهِ بش قاره دی سمادی
جود جواده حیران دنیاده انبیادی
یوخدور نظیری والله ابن الرضا آقادی
سویله اونا سن اینسان جانیم جواده قربان
.
روح صفا و عزّت – معنای استقامت
دریای جود و رحمت – بخشنده تا قیامت
ذرّه کرامتیندن من ائیلیرم حکایت
حشرین گونونده شاید مولا ائده شفاعت
یالوار ائدر بو احسان جانیم جواده قربان
.
باب الحوائجیمدی – باب المراد دیندی
سکّیز یاشیندا پاک و معصومیدی، امیندی
عصمتده کفوّ طاها غیرتده هم قریندی
عشقی فقط خدادی معنای عشق همیندی
عشق ایله سسله هر آن جانیم جواده قربان
.
مأمون و معتصم لر نقشه چکوبله باهم
علامه لر سوالی طرح ایلیوبله مبهم
هی نقشه نقشه اوستن تا خوار اولا بو اعظم
امّا امام اولاری خوار ایلیوب دمادم
عشق ایلیوب مسلمان جانیم جواده قربان
.
علامه لر سوالین سالدی یره نقابین
مولا جواده ائیلوب بیرجمله ده خطابین
مُحرِم حالیندا صیاد صید ایلسه جوابین؟
مولا قیام ائدوبدی باشلوبدی انقلابین
مجلسده سالدی طوفان جانیم جواده قربان
.
مولا همان سوالی طرح ایلیوب دوباره
نچه جهت سوزونده روشندی بی اشاره
علامه لر قالوبلار دللر دوشوب شماره
مولا سالوب دوباره پرسش گری فشاره
گون تک شاخوب او سلطان جانیم جواده قربان
.
امر ایلدی نه حالدا صید ایلیوب شکاری
صبح ایلیوبدی آخشام- اندازه سی دیاری
نادمدی یا خرامان – عمدیدی، اضطراری
حج تمتع،عمره-بیریولدی یا که کاری
علامه قالدی ویلان جانیم جواده قربان
.
آیلار گئچوب دولاندی بیر طرح دیگریله
بیر مسئله اولوبدی مطرح بو دلبریله
سارق الین کسنده حکمیله، خنجریله
هاردان گورک کسیلسون حکم ایله،محوریله
وئرمیش جواب شایان جانیم جواده قربان
.
اولار که مدعیدی بیز فقه و شرعه استاد
سوزده دوتوبلا هر دم بیربیرلریندن ایراد
اولار دئیوبله مچ دان یا مرفقیندن،آزاد
قاضی الینده حکمی مولا اولوبدی ناشاد
تحریف اولوبدی قرآن جانیم جواده قربان
.
عرض ایلیوب خلیفه ابن الرضا بویور سن
فرمایش ائتدی مولا رسوا اولوبدی دشمن
دورت بارماقین کسین سیز حکم حقه وئرین تن
پیغمبر خدادن نقل ایلیرم بو سوز من
یوخ سوزده ذرّه نقصان جانیم جواده قربان
.
اعضاء هر بشرده وار یدّی نقطه باری
اللهه منتسبدی مسجدی وار شعاری
سجده حالیندا اوللار شخصی ائدلّه یاری
قاضی کسه هایاندان یوخ الده اختیاری
گَتدی بو حُکمه برهان جانیم جواده قربان
.
بو سینمالار وجود عدوانی یاندیروبدی
کینه دوتوبلا شهدن انسانی یاندیروبدی
مسموم ائدوبله شاهی زهرانی یاندیروبدی
زهرِ جفا وجودِ مولانی یاندیروبدی
آغلا دئنن رضاجان جانیم جواده قربان
.
زهرین اثرلریندن یاندی دلی دوداقی
جانی چیخان زماندا سرد اولدی ال ایاقی
امّ الفضلین داغلدی جعده کیمین تفاقی
مولا جوان اُلوبدی اولدی یتیم اوشاقی
دریایه دوندی مژگان جانیم جواده قربان
.
اوچ گون،گون اوپدی الله گل پیکرِ امامی
منزل ائدوب عیالی مولایه پشتِ بامی
مردم آلوبدی عطرین خوشبو اولوب مشامی
ناگه امام عشقه عرض ایلوب السلامی
قلبیم سیخلدی یاران جانیم جواده قربان
.
دامدا گوربله مردم جولان وئرور شُغالی
مولانی سسلنوبلر دامدان سالوب عیالی
ای«سیدی»گوروبدی بو طبعمین خیالی
سقا دوشوبدی گویا قولسوز یره یارالی
سقّا دوشوبدی آتدان جانیم جواده قربان
.

متن پیشنهادی:  دییم ای قبیله اهلی سیزه راه چاره گلدیم

#جوادیه_مدح
#جوادیه_شهادت
#یاز_سن_قلم_بو_عنوان_جانیم_جواده_قربان
#سیدی_زنجانی
#ترکی
.
✍️ #زبدةالاشعار ✍️
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی