یاز قلم عشق عالمی عشقیله بیر اشعار عشق #زینبیه_فرهنگی

عشق یعنی …
.
.
.
ابوالفضل فرهنگی
.
.
.
یاز قلم عشق عالمی عشقیله بیر اشعار عشق
عشقدن دوز سوز یازیلسا گرم اولار بازارعشق
.
قلب انسانلاردا یاز ویروس چوخدور ای بشر
بیله فکر ایتمه سنون قلبینده یوخدور ای بشر
.
وار امیدیم نخل امیدین گوورسین سولماسین
قوّۀ ادراکیوه ویروس نخوت دولماسین
.
عصر اینترنتدی الآن چوخ مواظب اول جوان
دقت ایله، آگه اول، خواب جهالتدن اویان
.
دشمن آلوده ایدور ماهواره و اینترنتی
تا جوان دیندن چخا ، الدن گیده ماهیتی
.
سنده اینترنتده جولان ایلینده مثبت اول
عشق سایتین آل نظرده وارد اینترنت اول
.
سایت مثبت سایت عشق و معنویت سایتیدی
معنویت سایتیدا دنیاده غیرت سایتیدی
.
غرب سایتندان گیدن دیندن چخار، بی دین اولار
عشق سایتین درک ایدن گوزلر حقیقت بین اولار
.
تیر عشق اول ای قلم یاز، تا عدو قلبین بؤله
بحث اینترنتدن و رایانه دن گل چخ چؤله
.
یازگلان که چوخلاری بدنام ایدیر عشقین آدین
درک ایدنمز عشقی بدنام ایلین عشقین دادین
.
عشق مادر زادی چونکه عشق پاک و نابیدور
عشق پاک و ناب حتماً لایق اربابیدور
.
یازگلان  #فرهنگی ئوز عشقون قدر عشقین سوزون
قوی سوزون کور ایلسون بی عشق اولان خلقین گوزون
.
یازگلان که عشق یعنی عاشقین پیرایه سی
عقل و احساس و وقار و منطقین سرمایه سی
.
شأنینی اصلا کیچیلتمه عقلدن افضلدی عشق
عشق بیر کلمه دگول ، مجموعۀ اکملدی عشق
.
عشق یعنی دهریده وجدانی باشدان آتمیان
اجنبی لر سایه سینده خفّتیله یاتمیان
.
عشق یعنی خطّ سیرینده خطا یول گتمین
زادگاهین دشمن خونخواره تقدیم ایتمین
.
عشق یعنی دست حاجت اشقیایه آچمیان
مرد مردانه میادین عملدن قاچمیان
.
بیله فکر ایتمه جهانه های هو سالماقدی عشق
دین اسلامه گوره ثابت قدم قالماقدی عشق
.
در حقیقت مرز اسلامه امین اولماقدی عشق
چشم بسته وارد میدان مین اولماقدی عشق
.
عشق یعنی نقش امّید بشر در زندگی
عشق یعنی رمز آزادی ، نشان بندگی
.
عشق یعنی دست، از جان شستن از بهر خدا
در دیار سوزناک و آتشین  #کربلا
.
عشق یعنی مشت محکم بر دهان یاوه گو
در بر بی آبرویان حفظ کردن آبرو
.
عشق یعنی اجنبی جامیله سرمست اولمیان
دشمن شاه شهیدانیله همدست اولمیان
.
عشق یعنی عشق خالص، عشق کامل، عشق ناب
عشق یعنی فاتح اندر بزم تزویر و شراب
.
عشق یعنی تل زینب ، عشق یعنی  #قتلگاه
بین تل و قتلگاه آواره و بی سر پناه
.
عشق یعنی کربلاده یار و یولداشدان کچن
حضرت عباس تک بیر نازلی قارداشدان کچن
.
عشق یعنی عشقیله ، ناموسه خاطر جان وئرن
حقه ، عاشورا گونی یتمیش ایکی قربان وئرن
.
عشق یعنی عالم ذر ، عالم عهد و وفا
عشق یعنی عشق پاک عاشقان کربلا
.
هر قصیّ القلب اولانماز شاه دینون عاشقی
تک خانم زینبدی دنیاده حسینون عاشقی
.