#ای_اوخ …
زبانحال حضرت اباعبدالله الحسین (ع) با تیر سه شعبه
.
.
.
محمد رضا صادقی
.
.
اگرچه قلب ائوینده شوقیله تاپدون قرار ای اوخ
ولی بو غمده ائتدون اهلبیتی داغدار ای اوخ
.
.
مگر بولموردون عالمده منم پیغمبرون اوغلی
وصیِ حضرتِ ختمی رسالت، حیدرون اوغلی
عزیزِ حضرتِ زهرا لقبده کوثرون اوغلی
که ائتدون هر اوچونده جنت ایچره سوگوار ای اوخ
.
.
مکانِ حضرتِ معبودی تا سن ایلدون ویران
باجیم زینب ائشیتدی عارضه گوزدن توکوب القان
خیامِ اهلبیتِ عصمت ایچره اولدی بیر طوفان
گوزونده اهلبیتون تار اولوبدور روزگار ای اوخ
.
.
دگنده قلبیمه باشلاندی ناله عرش اعلاده
تماماً انبیا جمع اولدولار بو قانلی دریاده
آنام زهرا بالام وای سسلدی بو غملی ماواده
گوزونده قان اولان اشکی سن ائتدون آبشار ای اوخ
.
.
منیم بو قلبیمی قان ایلمیشدی اکبرون داغی
شکسته گوگلی ویران ایلمیشدی اصغرین داغی
علاوه یاندیروب یاخمیشدی بیر مه پیکرون داغی
که اولموشدی حسینه بو مکاندا جان نثار ای اوخ
.
.
منیله استوار اولموشدی ای اوخ عالمِ فانی
یقین مندن سورا سیرینده اولماز نظم امکانی
وفاسیز حرمله تا آتدی سن تک تیز پیکانی
نظام عالم امکانی ائتدون تارومار ای اوخ
.
.
بو دگماقدا اگر چه سنده یوخدور بیر خطا ای اوخ
ولیکن قلبیمه ووردی سنی بیر بی حیا ای اوخ
بو ظلمون آتشیندن یاندی هم ارض و سما ای اوخ
چکوب اوز عرشینه قاره حبیب کردگار ای اوخ
.
.
اگرچه وارد اولدون قلبیمی سن ایلدون پاره
اگرچه یاره اوستن سن گلوب ووردون گینه یاره
بو گلماقدا یول آشدون فخر ایله سن کوی دلداره
رضایِ حقّه خاطر سن ولی گَل اُول کنار ای اوخ
.
.
کنار اُول حق مکانینده ، مکان ائتماق بجا اولماز
حبیب عشقی اولان یرده بیر آیری عشقه جا اولماز
قوناقون احترامی گرچه واجبدور، روا اولماز
حسین بو باره دن اولسون سنیلن سازگار ای اوخ
.
.
بو گلماقدا اگرچه واردی دعوت محضر یاره
پیام حضرت حقّی گتوردون بو دل افکاره
منه لبیک یا رب دن سورا یوخ آیری بیر چاره
گئدوب جانیله وئرّم امرِ حقّه اعتبار ای اوخ
.
.
اگرچه روح و جسم و قلب و جان منده امانتدور
لقای حقه چاتماخ شرطی بو تنده جراحتدور
ولی بو قلبیمون آخماقدا قانی بیر کرامتدور
گرک منده اولام بو لطفوده سجده گذار ای اوخ
.
.
یازوبدوراوخ سوزون استادیلردن(هندی)و(انور)
ولیکن ایلیوب بو سوزده (سعدی زمان )محشر
تاپار (عابد) یازان یرده بو ای اوخ رتبه آخر
قالار « شیدا » دن اما بو ئولنده یادگار ای اوخ (1)
.
(1) برای دسترسی به اشعار موضوعی فوق از شعرای ذکر شده ، روی هشتک زیر کلیک کنید
#ای_اوخ
.
#قتلگاه
#حسینیه_شهادت
#اگر_چه_قلب_ائوینده_شوقیله_تاپدون_قرار_ای_اوخ
#محمدرضاصادقی #ای_اوخ_محمدرضاصادقی
#ترکی
#زبدةالاشعار
نظر دهید