التجا بمحضر حضرت امام رضا علیه السلام
.
.
.
مرحوم محمد حسن تابع دین ( تابع تبریزی )
.
یاعلی موسی الرّضا من دیده گریان گلمیشم
بیر گدای روسیاهم چوخ پریشان گلمیشم
.
.
شمع عشقونده سنون عشقلی پروانه کیمی
عشق زنجیرینی سالدیم تنه دیوانه کیمی
گل آدون ذکر ایلدیم ملک خراسانه کیمی
بولموشم هر دردیمه وار بوردا درمان گلمیشم
.
.
جان زهرا روح حیدر ای شه ملک وفا
درگهونده ملک دنیا شاهی اولماز بیر گدا
سن شهنشاه دوعالم سن سنه جانیم فدا
اولماسام لایق قبول ایت کان احسان گلمیشم
.
.
بارگاه اقدسوندن گون یوزی شرمنده دی
نه فلک فیض آلماقا سندن فقط زیبنده دی
انبیای ماسلف بو درگهونده بنده دی
لطف سندندی کی من بوقبره مهمان گلمیشم
.
.
حق سنون بابون ایدوبدور عالمه باب امید
بیر نفر اولموبدی اولماز درگهوندن ناامید
منده بیر عبد ذلیلم روسیاه و موسفید
آستانون بوس ایدن زواره قربان گلمیشم
.
.
من محبت عالمینده عمرومی ایتدیم تلف
بومحبتدن اله سالدیم نچون عز شرف
ای بهشتی جایگاه عشاقه قبروندی هدف
باشدا یوخدی آرزوی باغ رضوان گلمیشم
.
.
آستانون بوس ایدنلر جنت ایتمز آرزو
ای ولایت اهلینه هر دوجهاندا آبرو
کف شکنده حضرت موسی دوروبدور روبه رو
من نه نوعیله دییوم زوار سلطان گلمیشم
.
.
حشره تک ملک خراسانی سن آباد ایتموسن
ضامن آهو اولوب اول صیدی آزاد ایتموسن
نه گوزل وجهیله سن صیادی ارشاد ایتموسن
منده ارشاد اولماقا ای جان جانان گلمیشم
.
.
اکرم الضیفه اشاره ایلیوب ختم رسول
میهمانم من سنه کافرده اولسام ایت قبول
اولماسام لایق عنایت قیل منی ایتمه ملول
نادمم اعمالیمه من زارو نالان گلمیشم
.
.
#تابع دینم ولایت اهلینه بیر خادمم
ایتدیقوم اعمالیمه مولا اورکدن نادمم
زائر قبریندی ابراهیم موسا من کیمم
مور فرض ایتسن بسیمدور ای سلیمان گلمیشم
.
.
عمرومی باشه یتوردیم دلده مین آه ونوا
آرزوی کربلا قالدی اورکده برملا
قبریوه قربان اولوم ویر برات کربلا
قتلگهده سسلیرم ای شاه عطشان گلمیشم
.
.
#سبک_زینبم_جان_اوستیم
.
.
.
#رضویه_مدح
#یا_علی_موسی_الرضا_من_دیده_گریان_گلمیشم
#تابع_تبریزی
#ترکی
.
.
متن های پیشنهادی برای شما
علی گجه یاریسی غسل ائدنده زهرانی #فاطمیه_رمضانی_خاکی
شهادت حضرت زهرا (س) . . حاج روح اله رمضانی(خاکی) . . علی گجه یاریسی غسل ائدنده زهرانی عزایه توش ائلدی کافرو مسلمانی . یوخیدی دیزده قواسی ، کَننده ی خیبر توکردی گل یوزونه دمبدم جگر قانی . الی اورکده ائوینده گزوردی آوارهبیشتر
زینبون آغلار یانار سنسیز آنا #فاطمیه_صافی_تبریزی
زبانحال حضرت زینب در مصیبت حضرت زهرا(س) .. .. مرحوم صافی تبریزی .. .. زینبون آغلار یانار سنسیز آنا جان و دلدن اودلانار سنسیز آنا باغریم اولوب قان آغلارام وار جاندا تا جان آغلارام .. .. گولمدی بیر لحظه دنیاده یوزون شامبیشتر
ای اهل جهان رکن هدا را بشکستند #حیدریه_علی_شهودی
شهادت امیرالمومنین حضرت علی علیه السلام ـ ـ 
زبدة الاشعار ?: @nohe_torki ـ ـ علی شهودی ـ ـ ای اهل جهان رکن هدا را بشکستند در سجده سر شیر خدا را بشکستند ـ ـ کردند کمین در ره و جستند بناگاه فرق سر سلطان ولا رابیشتر
سلسله بند اولدی قارداش دور بو صاحب سلسله #کوچ_کربلا_عدلی_تبریزی
کوچ از قتلگاه زبانحال حضرت زینب سلام الله علیها . #زبدةالاشعار . 
: @nohe_torki . حاج اصغر فرشچی (عدلی تبریزی) . سلسله بند اولدی قارداش دور بو صاحب سلسله عزم شام ایلور باجون امری دوشوب دورمشکله . . ای وجود اطهریبیشتر
گل بئلیم سیندی باجی آغلا علمداریم ئولوب #عباسیه_شاکی_خویی
زبانحال حضرت امام حسین(ع)به حضرت زینب(س) در شهادت برادر . . . مرحوم شاکی خویی . . گل بئلیم سیندی باجی آغلا علمداریم ئولوب دور ایاقه جگریم یاندی سپهداریم ئولوب . . باجی گل رونق پرگار و جلالیم داغیلوب گلشن آل علی ظلم وبیشتر
یخیلمیشام یره آتدان یارالیم باباجان #اکبریه_حافظی_تبریزی #نجمی_تبریزی
شهادت حضرت علی اکبر(ع) . #زبدةالاشعار . : @nohe_torki . مرحوم نجمی تبریزی و مرحوم حافظی تبریزی . . یخیلمیشام یره آتدان یارالیم باباجان یتیش هرایمه چوخ ماجرالیم باباجان . باشیمدا معجز شق القمر علامتی وار بابام علیبیشتر
نظر دهید