ای آیون نوری سنون چهرۀ رخشانوندن #رضویه_منتظری

مدح محضر حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
منتظری شریف آباد
.
ای آیون نوری سنون چهرۀ رخشانوندن
اولدوزون شعشعه سی جلوۀ دندانوندن
.
قابَ قوسینَ قارا قاشلاروون تفسیری
قان عقیقون اورگی لعل بدخشانوندن
.
گرچه یوسف دگول امّا بِله گلموش نیلوم
ﭼﺧﺎ بیلمز اورگیم چاه زنخدانوندن
.
حشرِده هجرون اودی عاشقِوه دوزخدی
کرم اﺋﺖ ایله رها آتش سوزانوندن
.
سفره وون دوره سنه آج یغوشور حاتملر
ملکون حسرتی وار بهره آلا خوانوندن
.
شهرعشقیمدی خراسان نقَدرعمروم وار
خاطرِم دویمیاجاق شهر خراسانوندن
.
اوزی قاره قوناقام قووما قاپوندان لطف اﺋﺖ
بنده ده فیض آپاروم سفرۀ احسانوندن
.
مقبلم محتشمم یوخ، بالا بیر مدّاحم
نا اُمید ایتمگلن جود فراوانوندن
.
سن کرم صاحبی سن جیرانا ضامن اولدون
منی کم دوتما آمان چوللرون حیوانوندن
.
گوزلیم گوزلریوه گوزلریم اولسون قربان
قویما نفسِم گنه بیرده دونه پیمانوندن
.
ممکن اولموراوپه تشنه دوداقوم قبروندن
نَفَسِم تنگه دوشور کثرت مهمانوندن
.
تا باشارسام اوپرم صحنوده کی قاپلارون
اولماسا مشهدوون خاک خیابانوندن
.
دوندره هرکس اوزین رحم ایله سن دوندرمه
اوزووی غرق خطا پیر ثنا خوانوندن
.
قویما ایمانِمی غارت ایلیه شیطانلار
نفسمی حفظ ایده خواهش ایله یزدانوندن
.
عمرنون آخری دور منتظری مدّاحون
قیل دعا بیرده اوپه جدّوون ایوانودن
.
منتظِرآخره جک دوز سوزووه دوز قاتما
یالواروب ایسته کمک دیدۀ گریانوندن
.
.
#رضویه_مدح
#ای_آیون_نوری_سنون_چهره_رخشانوندن
#منتظری
#ترکی
.
✍️ #زبدةالاشعار ✍️
.
🆔: @nohe_torki