توسل بر حضرت امام رضا علیه السلام
.
زبدة الاشعار
?: @nohe_torki
.
حاج علی پور علی ( جاهد )
.
یاثامن الائمه گوزوم سنده دور آقا
چون سنله عشق قلعه سی ایمنده دور آقا
.
آگاهسن که وار سنه خالص ارادتیم
عشقینله قلبیمین ائوی ایمنده دور آقا
.
روحیم قوشی همیشه رضاگ ولشنین گزور
چون عشقیمین بهاری بو گولشنده دور آقا
.
سن باغبان عشقسن ای عشق لایزال
عشقین سنیله گولّری سرزنده دور آقا
.
سن شهریار ملک سمن سای عشقسن
یارین سنیله دولتی پاینده دور آقا
.
نالایق عاشقم ولی وار نسبتیم سنه
سینم مدال عشقوه دارنده دور آقا
.
هر مشگلیمده دامنوه چنگ وورمیشام
چون گورمیشم نتیجه سی ارزنده دور آقا
.
مشگلده قالمیشام گینه یاثامن الحجج
قطعاً کلید حلی گنه سنده دور آقا
.
ایلَّردی آستانیوه جاهد غلامدی
گرچه یوزی قرا ئوزی شرمنده دور آقا
.
خوار ایلمه قاپوندا بو شرمنده عاشقی
بیر عده دردمنده نماینده دور آقا
.
سن شاه و من قاپونداک ی درمانده سائلم
شاهلار عطاسی سائله زیبنده دور آقا
.
ای آستانی ملجاء عالم پناه عشق
#جاهد بو باب عشقه پناهنده دور آقا
.
آل آبروسین ایله کرم ائتمه نا امید
ساخلا قاپوندا قووما که شرمنده دور آقا
.
#رضویه_مدح
#یا_ثامن_الائمه_گوزوم_سنده_دور_آقا
#جاهد
#ترکی
.
#زبدةالاشعار
?: @nohe_torki
: @nohe_torki . مرحوم اعظمی تبریزی . چوللری حیران دولانّام عمّه عمّه گیتمه قالدیم گه قاچوب گاهی دایانّام عمّه عمّه گیتمه قالدیم . . جسممی یورموشدی غملر طاقتیم گتدی دایاندیم گل کیمی خاربیشتر
نظر دهید