آی گؤیده اوچان قوشلار دردانه بالام ئولدی #حضرت_رقیه_معروف_اهری

شهادت حضرت رقیه سلام الله علیها
.
.
.
ـــــــــــــــــــ
#سبک_یاران_چه_غریبانه
#سبک_آی_گویده_کی_اولدوزلار
#سبک_آتدان_یره_چون_دوشدی
واگیر : (دردیمون درمانی لایلای رقیه .. گوزلرون قربانی لایلای رقیه )
ـــــــــــــــــــ
کربلایی ابوالفضل عباسی معروفان اهری
.
.
آی گؤیده اوچان قوشلار
دردانه بالام ئولدی
آز عمری اولوب غملی
افسانه بالام ئولدی
.
.
.
شوقیله چالون شهپر
گؤیلرده اوچون قوشلار
دشت غم و اندوهه
افسرده اوچون قوشلار
بو غم خبرین بیلسون
اکبرده اوچون قوشلار
گلسون باشی اوستونده
افغانه بالام ئولدی
.
.
.
آخر منی تک قویدی
یار سفریم گئتدی
هم روحیمون آرامی
هم بال و پریم گئتدی
آیریلدی گجه یاری
مرغ سحریم گئتدی
گؤزیاشیمی دؤندردی
القانه بالام ئولدی
.
.
.
رویاده گجه نصفی
مظلوم باباسین گؤردی
تاپدی باباسین اما
بیلمم هاراسین گؤردی
اول قانلی دوداقلاردا
شاید یاراسین گؤردی
گؤزیاشی توکوب گؤزدن
دامانه بالام ئولدی
.
.
.
آغوشه آلیب ئوپسون
اول قانلی دوداقیندن
دلخسته بالام اولدی
شرمنده قوناقیندن
تاب ائتمدی آهسته
باش دوشدی قوجاقیندن
بیر یانه او باش دوشدی
بیریانه بالام ئولدی
.
.
.
باخدیم او قیزا گؤردوم
جسمینده نفس یوخدی
سسلندیم عزیزیم دور
گؤردوم ولی سس یوخدی
پروازه گلوب روحی
دای میل قفس یوخدی
ویرانه منه اولدی
غمخانه بالام ئولدی
.
.
.
زینب بو مصیبتده
قان آغلاسا گر آزدی
تقدیر الی آهسته
بیر غملی غزل یازدی
اوچ سن ده قیز ئولدی
قبرون بی بی سی قازدی
دنیانی گؤروم اولسون
ویرانه بالام ئولدی
.
.
.
#حضرت_رقیه_شهادت
#آی_گؤیده_اوچان_قوشلار
#حضرت_رقیه #معروف_اهری
#ترکی
#زبدةالاشعار