توبه حرّ (ره)
.
✍️زبدة الاشعار✍️
?: @nohe_torki
.
هادی سلطانمحمدی تبریزی
.
یا حسین اؤز ایشلریمدن
اولموشام بو گون پشیمان
گلمیشم اولام بو چولده
من سنین یولوندا قربان
.
حُرّی قووما سن قاپوندان
غصّه دن اولوبدی گریان
.
.
من بو گون خجالت اولدوم
خاندانِ مصطفادن
توبه ایلیرم بو ساعت
چون کی قورخورام خدادن
عفو قیل منی حسین جان
نادم اولموشام جفادن
گل منی باغیشلا مولا
میهمان اولوبدی نالان
.
.
من بو چولده معصیت دن
توبه ایلدیم خدایا
توبه می اؤزون قبول ائت
تنگ اولوب منه بو دنیا
من حسین یولون کسنده
قورخوشوب بنات زهرا
بندۀ گناهکارام من
لیک سن وفالی یزدان
.
.
یا حسین گناهکارام من
توبه می ایله اجابت
گئتمیشم ره خطایه
سندن اولموشام خجالت
ایله بو غلامِ زاری
دوز یولا اؤزون هدایت
راه چاره نی نشان وئر
ای سلیل شاه مردان
.
.
شاه کربلا بویوردی
حرّه بو زبان حالی
توبه وی قبول ائدر حق
یوخدی ردّین احتمالی
دوش اشاقه مرکب اوستن
قلبووین گئده ملالی
دوز یولا گَلیبسن ایندی
یوخدی بو ایشینده نقصان
.
.
قوی سنه بیان ائدوم من
بوردا بیر نئچه نکاتی
راه توبه ده همیشه
وار گناهکارین نجاتی
سن تلاش ائدوب بو گونده
تاپمیسان بو دوز صراطی
عفو ائدر سنی جهاندا
لطفیله خدای رحمان
.
.
حرّ عرض ائدیب دوباره
ای سلالۀ رسالت
قوی قالیم بو مرکب اوسته
سندن ایلیم حمایت
اولماییم داخی پیاده
تا نصیب اولا شهادت
من نئجه گوروم بو چولده
رهبریم قالیبدی عطشان
.
.
کربلاده قوم کافر
دوره وی بوتون آلیبدور
باغلاییب ره فراتی
اصغرین سوسوز قالیبدور
آغلاماق سسی بو چولده
عرشه ولوله سالیبدور
ظلمدن سوسوز قالیبدور
کربلاده اهل قرآن
.
.
اذن وئر آقا بو ساعت
دشمنیله جنگ ائدیم من
قرمزی قانین بو قُومون
اوزلرینه رنگ ائدیم من
سرزمین کربلانی
اشقیایه تنگ ائدیم من
لطف قیل عنایت ایله
وئر بو توبه کاره فرمان
.
.
رسمیدور حقیقت اهلی
رغبت ایلمز مجازه
کربلاده مُحرِم اوللام
گئتمرم داخی حجازه
اوّلین شهیدین اوللام
حاصل اولسا گر اجازه
شایق اولموشام بو گونده
دین یولوندا من وئرم جان
.
.
یا حسین سنین قاپوندا
اولموشام من ایندی سائل
گوز یاشیلا ماهِ غمده
یازمیشام سنه رسائل
لیک «هادی» نین مرادی
اولماییب جهاندا حاصل
حرّ تک بو نوکرینده
دردینه سن ایله درمان
.
.
#سبک_سو_یوخومدی_قیزلاروندان (بیش از 5 سبک)
.
#حر
#اصحاب_الحسین
#یا_حسین_اؤز_ایشلریمدن
#هادی_سلطانمحمدی
#ترکی
.
✍️ #زبدةالاشعار✍️
?: @nohe_torki
نظر دهید