یا حسین دور پیشواز ایله گلور یولدان باجون #اربعین_تقایی_اردبیلی

اربعین
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
.
مرحوم تقایی اردبیلی
.
یا حسین دور پیشواز ایله گلور یولدان باجون
گوگلینی آل آلتی گوشه قبرووه قربان باجون
.
.
زینبون هر نعمت خلّاقه شکر ایلور حسین
خسته گلمیش محنت ایّامه فکر ایلور حسین
بو سینان قلبیم زیارتنامه ذکر ایلور حسین
آری آری کشور عشقه اولوب مهمان باجون
.
.
نعشون عریان قوملار اوسته قالدی گیتدیم ناگران
شمر ظالم ایلدی آل اللّهی شامه روان
شاکرم آباد اولوب الان دیار عاشقان
فخر ایدور بو آلتی گوشه قبرووه الان باجون
.
.
هر یئره چاتدیم دانیشدیم کربلا محنت لرین
روح زهرا سسلدی معناده زینب آفرین
لطف قیلدی انقلابیمده منه جان آفرین
درد دینه منطقیله ایلدی درمان باجون
.
.
کوفه ده احقاق حق ایتدیم او گونکی یا اخا
دولدوروب شهری حسینیم وای صداسی برملا
بیلدی مرد و زن نجه ظلم ایلیوب قوم دغا
زاده ی مرجانه دن اوّلده آلدی قان باجون
.
.
ناقه ده گوردوم آخور پای جدایه تازه قان
منده یاردیم باشیمی ای سیّد اهل جنان
آخدی قانیم اولدی رنگین ساچلاریم دینجلدی جان
شوقیله هر محنته صبر ایتدی ای جانان باجون
.
.
من حسین ظلمون طلسمین صبریله سیندیرمیشام
هر مکاندا بزم ایراد خطابه قورموشام
شامیده قصر یزیده قاره پرچم وورمیشام
یعنی ایتمیش حقّووی عالملره اعلان باجون
.
.
من پی پیمان گزوب ایتدیم عمل پیمانه ده
هر بلا گلدی سنون عشقونده آلدیم جانه ده
عترت طاها عزادار اولدیلار ویرانه ده
اوخشادی دائم سنی بو دیده سی گریان باجون
.
.
گرچه سیخدی شامیده قارداش شماتت لر منی
ایلدیم مغلوب و رسوا همّتیله دشمنی
سعی ایدوب آلدیم حسین قانه باتان پیراهنی
یعنی گَتدی قبرووه بو کوینگی الان باجون
.
.
گوزلریم رخساریمه ویرانه یئرده قان ویروب
صبر قیلدیم هر عذابی عترته عدوان ویروب
صبردن چیخدیم قوری یرده رقیّون جان ویروب
آغلیوب مین یول دیدی عمّون سنه قربان باجون
.
.
ئولدی چون ویرانه یئرده آهوی دشت ختن
قبرینی قازدیم اونا ئوز معجریم ایتدیم کفن
شامیده آزاد اولاندا گوشه ویرانه دن
آیریلاندا قبری اوسته آغلیوردی قان باجون
.
.
.
#اربعین_تقایی_اردبیلی
#یاحسین_دور_پیشواز_ایله_گلور_یولدان_باجون
#ترکی
.
#زبدةالاشعار
.
: @nohe_torki