وداع و شرح زبانحال ام لیلی(ع)به حضرت علی اکبر(ع)
.
✍️ زبدة الاشعار ✍️
?: @nohe_torki
.
مرحوم صحاف تبریزی
.
ای مظهر جمالِ خیرالانام اوغول گئت
لیلا بویون فداسی گت تشنه کام اوغول گئت
سرو خرام اوغول گئت
.
.
وار تشنه لب بو چولده جان ویرماقا خیالون
وار سنده هر نه حقبم اولسون علی حلالون
باخما منه پوزولما ترک ایت غم و ملالون
لیلانی بیرده دیندیر شیرین کلام اوغول گئت
.
.
یالقوزلیوب بو چولده اهل جفا حسینی
قویما قالا کومکسیز سلطان مشرقینی
باخما آخار عذاره لیلانون اشگ عینی
سن جویبار عشقه سرو خرام اوغول گئت
.
.
چکدیم علی یولوندا اون سگز ایل ریاضت
گوز پرده سینده منزل ویردیم سنه بو مدت
آسوده یاتمادیم من عالمده برجه ساعت
شیرین یوخی گوزومده اولدی حرام اوغول گئت
.
.
شوق وصال جانان الدن آلوب قرارون
هر مقصده گیدورسن وار الده اختیارون
بیر آز توقف ایله بو زلف مشگبارون
شانه ایدوم مسلسل تاپسون نظام اوغول گئت
.
.
برج وفاده گورسم آی تک یتوب محاقون
حل ایلیم چتیندور من عقده فراقون
قاندان مخضب اولسا زلفون الون ایاقون
قانه دونر گوزیمده اشگیم تمام اوغول گئت
.
.
بلبل کیمی گوتورمم من گوز بو گل یوزوند
دویماز بو طوطی دل شکر لبیم سوزوندن
فرقت زمانیدور قوی باری اوپوم گوزوندن
فرصت دوباره ویرمز اسرار شام اوغول گئت
.
.
لیلانی گور نه نوعی عشقون سالوب تواندان
قالمور اوقدر روحیم کسون علاقه جاندان
چکمزدیم ال سنون بر ماهرو جواندان
اما کسوب قباقی نصر امام اوغول گئت
.
.
چوخ غصه لنمه چکمه آه اوسته آه دلسوز
فکر ایلمه بو چولده لیلا قالور اوغولسوز
من هجرده دایانام قویما آتاوی یالقوز
گوزلور یولون دایانما قوم لئام اوغول گئت
.
.
باخما منه عذاره توکمه سرشگ حسرت
آغلار گوزون فداسی ای سرو ماه طلعت
یتسه سنون یولوندا هر بر غم و مصیبت
واردور یو جانه منت ایخوش مرام اوغول گئت
.
.
عهد السته تابع هم پیرو بلایم
سن سن ذبیح جانان من هاجر وفایم
دوغرانسا قطعه قطعه گل پیکرون رضایم
وار افتخاریم آلام عالمده نام اوغول گئت
.
.
گئت بو منای عشقه عشقونده امتحان ویر
بو لشگره جمال پیغمبره نشان ویر
لیلانی سربلند ایت جانان یولوندا جان ویر
جان دولیله ایله تحصیل کام اوغول گئت
.
.
سودای زلفویله یتمز کوگل مرامه
جهد ایت بو چولده یتسون مقصودیوی تمامه
گلم باشون دانجا قول باغلی شهر شامه
نوک جدادن آلسون عطرون مشام اوغول گئت
.
.
#صحاف عشقه اهل اول درک ایت مقام عشقی
هر بوالهوس ایدنمز تحصیل کام عشقی
لیلی دلنجه برده یاز بو کلام عشقی
ای مظهر جمال خیرالانام اوغول گئت
.
.
#سبک_احوالیمیز_یاماندی ( بیش از 10 سبک)
.
#اکبریه_شهادت
#ای_مظهر_جمال_خیرالانام_اوغول_گئت
#صحاف_تبریزی
#ترکی
✍️ #زبدةالاشعار ✍️
?: @nohe_torki
نظر دهید