یا حسین سنون حالیوه او گون #حسینیه_ذلیل_تبریزی

عاشورا – عزای حسینی
.
#زبدةالاشعار
.
: @nohe_torki
.
#سبک_ساخلا_ناقه_می_کاروانیدن … 8 سبک
.
مرحوم ذلیل تبریزی
.
.
یا حسین سنون حالیوه او گون
قتلیوه دوران لشکر آغلادی
بولمورم نه غم یوز وئروب سنه
سس چکوب هامی صفلر آغلادی
یرلر آغلادی گویلر آغلادی
شمر الینده کی خنجر آغلادی
.
.
گتدون اصغرون فرقۀ عدو
ایستدون ولى وئرمدیله سو
دولدی قانیله ساغر و سبو
باخدی ساقی کوثر آغلادی
.
.
گوردی حرمله ہو حکایتون
وار سودان سنون چوخ شکایتون
باخدى غیظیله پوزدی حالتون
حالیوی گورن کافر آغلادی
.
.
آلدى تیریله بیر کمان اله
سالدى عالمه شور و ولوله
ائتدى حقیله اوخ مقابله
اهل آسمان یکسر آغلادی
.
.
گورمیوب داخی دیدۀ جهان
بیله میهمان بیله میزبان
وئردی حرمله سو یولون نشان
اوخ دگوب على اصغر آغلادی
.
.
گوردون اصغرون ئوزگه حالیله
ایستدون گیده چوخ جلالیله
دوتدون اوجووی دولدی قانیله
چشم های خون پرور آغلادی
.
.
گلدی وا حسین مهر و ماه دن
سالدیلار سنی ذوالجناحدن
جوش ایدنده قان قتلگاهدن
وای اوغول دیوب حیدر آغلادی
.
.
دوتدی صحنه کربلانی توز
چخدی گویلره آه سینه سوز
ائتدیلر ذبیحاً قفا سوسوز
آتدی فاطمه معجر آغلادی
.
.
دوشدی عالمه شور و غلغله
یرلر ایلدی جمله زلزله
آلدی خنجرین شمر دون اله
شمر الیندہ کی خنجر آغلادی
.
.
عترت رسول اولدی دیده خون
چوخ جفا او گون ائتدی قوم دون
ووردولار باشون نیزیه سنون
باخدی زینب مضطر آغلادی
.
.
بو مصیبتی یازمارام عیان
قورخورام یانا هفت آسمان
قتلگاهینه گلدی ساربان
عرش حضرت داور آغلادی
.
.
نعشی اوستونه گلدی مادری
دولدی اشگیله دیدۀ تری
گوردی ال گیدوب یوخدی اللری
ساربان کَسَن اللر آغلادی
.
.
کیمسه دوتمادی اول غریبه یاس
سویدولار اونی قالمادی لباس
ئولدی شاه دین گیتدی هر اساس
نعشینی سویان کافر آغلادی
.
.
ای « ذلیل » آل ساخلا بیر دایان
ایلمه داخی سوزلرون بیان
آغلادی بو گون جمله قدسیان
لوح و هم قلم دفتر آغلادی
.
.
#حسینیه_شهادت
#عاشورا_گونی
#قتلگاه
#یا_حسین_سنون_حالیوه_او_گون
#ترکی
.
#زبدةالاشعار
.
: @nohe_torki