یا حضرت معصومه صفا وار حرمونده #حضرت_معصومه_سیدبشیرحسینی

مدح حضرت معصومه سلام الله علیها
.
زبدة الاشعار
.
: @nohe_torki
.
سید بشیر حسینی میانجی
.
یا حضرت معصومه صفا وار حرمونده
زائرلریوه حال دعا وار حرمونده
.
شأنون اوجادی گورمه لی گلدسته لرون تک
نور اهلی گورر نور خدا وار حرمونده
.
قوم شهرینه گوندور او قیزیل گنبدون الحق
آیدان گوزل ایوان طلا وار حرمونده
.
عطرون بورویوب هریانی موسی گولی سن سن
قربانون اولوم عطر رضا وار حرمونده
.
درد اهلی سنی سسلنور آللهدان آشاقی
درمانسیز اولان درده دوا وار حرمونده
.
شاهنشه لطفین قیزی سان ایله کرم، باخ
تک من دگولم چوخلو گدا وار حرمونده
.
ای کاش، اولایدیم قاپووین خادمی منده
خادم لریوه لطف و عطا وار حرمونده
.
کاش منده گویرچین کیمی صحنونده اوچایدیم
جنت کیمی بیر عالی فضا وار حرمونده
.
جنتده «بشیر»ین یادینا دوشموری بوردا
یا حضرت معصومه صفا وار حرمونده
.
.
.
#حضرت_معصومه_مدح
#یا_حضرت_معصومه_صفا_وار_حرمونده
#سیدبشیرحسینی
#ترکی
.
#زبدةالاشعار
.
: @nohe_torki