مناجات
.
.
✍️زبدة الاشعار✍️
🆔: @nohe_torki
.
.
مرحوم میرزا ابوالحسن راجی تبریزی
.
.
یا رب سنی ویرّوخ قسم اُول شیر خدایه
بیر رحم ائله بو اَلسیز ایاقسیز فقرایه
.
.
ای مرحمتی پردۀ افعال ذمیمه
وی عزمی وئرن روح روان عظم رمیمه
وئرّوخ سن سوگند بو اسماء عظیمه
عفو ایله بیزی پنج تن آل عبایه
.
.
بیر آنیده قهرون ائده گر عالمی نابود
یا مرحمتون مین بئله عالم ائده موجود
مخلوق نئجه دم چکر ای خالق معبود
محکوم به حُکموخ هامی بو امر قضایه
.
.
طاعاتون اولوب جملۀ ذرّاته فریضه
اسمونله مزیّن اولی عنوان عریضه
ای اسمی دوا ذکری شفا کل مریضه
صحّت وئر اؤزون جمله مریض ضعفایه
.
.
درگاهیوا بو آه و فغاندان بودی منظور
بو دردیله اؤز بنده لرون ایلمه رنجور
پیغمبریلن روز جزاده ائله محشور
اونلار که بو دردیله گئدوب دار بقایه
.
.
یا مَن سَتَرَ کُلَّ عُیُوباً وَ بَلایا
لطفیله اؤزون ایله گیلن دفع بلایا
شهر اهلی پراکنده اولوب جمله خدایا (1)
رحم ائت بو قالان السیز ایاقسیز فقرایه
– .
.
وئرّوخ قسم اول وقته که سلطان مدینه
مین زخمیله آتدان یخلوب روی زمینه
فریاده گلوب زینب و کلثوم و سکینه
افغانیله یوز قویدولا میدان بلایه
.
.
چون چخدی حسین سینه سینه شمر ستمگر
قویدی او شهِ کم سپهون حلقینه خنجر
عجزیله او شه سویلدی ای خالق داور
باخ حلق حسینه ستم شمر دغایه
.
.
چون تشنه لب اؤز قانینه اول شه بَلَنوبدور
گرد غمیله روی هوا تیره لَنبدور
اوندا اسرا باشینه کوللر اَلَنوبدور
گوردیله حسین باشی کچوب نوک جدایه
.
.
افلاکه چخوب آل علی شیون و شینی
چون نصب سنان ایلدیلر رأس حسینی
گفتاره گلوب فاطمه نون نور دو عینی
قرآنی تلاوت ائله دی آیه به آیه
.
.
آسوده لیق ایسترسن اگر درد و بلادن
ای شیعه یاپوش دامن شاه شهدادن
خوف ایلمز ای #راجی غم روز جزادن
هر کیمسنه رونق وئره بو بزم عزایه
ــــــــــــــــــــــ
(1) این شعر در ایامی سروده شده است که مردم شهر به بیماری `وبا” مبتلا بوده اند .
.
.
#مناجات
#قتلگاه
#یا_رب_سنی_ویروخ_قسم_اول_شیر_خدایه
#راجی_تبریزی
#ترکی
.
.
✍️ #زبدةالاشعار ✍️
🆔: @nohe_torki
نظر دهید