یا رسول الله بو اُمّت گورنه طغیان ایتدیلر #حسنیه_کهنمویی

شهادت امام حسن (ع)
.
#زبدةالاشعار
.
: @nohe_torki
.
مرحوم حاج سید حسین کهنموئی ( ریاضی)
.
.
یا رسول الله بو اُمّت گورنه طغیان ایتدیلر
اوغلوی تابوت ایچینده تیره باران ایتدیلر
.
.
بوگونون مثلینده غم یوز ویردی آ ل حیدره
مُجتَبی دفنینده اولدی بیر اَسَفلی منظره
قویمیلوبلر اوز بالاسین روضۀ پیغمبره
عایشه حقّین بو امره اَلده عنوان ایتدیلر
.
.
طاعت اُمّت رسوله واجب اولدی آیه ده
اَجر پیغمبر مَوَدّت گلدی ذِی القُربایه ده
امراُولیدی ظلم ایدون ایتمزدیلر بو پایه ده
اُمّتون جور جفاده هاردا نقصان ایتدیلر
.
.
اشقیا شورا گونی سرمشق ظلمی آلدیلار
اوغلووا ظلم ایلینلر ظلمه حیران قالدیلار
چکدیلر سجّاده سین توپراقلار اوسته سالدیلار
خیمه و خرگاهنی اصحابی تالان ایتدیلر
.
.
قویدولار یالقوز امامی شاد ایدوبلر دشمنین
خوار اولوبلار ویردیلر مظلوم امامه نسبتین
بیزلری خوار ایلدون سن یا مُذل المُؤمنین
بو سوزیله اوغلوی خاطرپریشان ایتدیلر
.
.
اَجنَبی لر کوکب اسلامی رخشان گوردوله
جدّ و جهدیله مسلّط ایتدیلر خاری گله
اوغلوی جُعده اَلیلَه زهریله ئولدوردوله
یتدیلر مقصوده زهرا باغرینی قان ایتدیلر
.
.
مُجتبانی روضه ده دفن ایتماقا قویموبدولا
آل هاشم ایتدی حمله آزقالوب دعوا اولا
اولمادی راضی توکولسون قان شهید کربلا
بو سوزی فرمایش ایتدی اَمره اذعان ایتدیلر
.
.
قارداشیم ایتدی وصیّت هر نه عنوان ایتسه لر
نعشیمی تابوت ایچنده تیر باران ایتسه لر
اولمیون راضی توکولسون قان اگر قان ایتسه لر
بوسوزه تشییع ایدنلر داد و افغان ایتدیلر
.
.
نعشینی حمل ایتدیلر سمت بقیعه دیده تر
قویدولار قبره توکوبلر عارضه خونِ جگر
کربلاده بو کمک لردن تاپولموب بیر نفر
گون قباقینده حسینون جسمین عریان ایتدیلر
.
.
قالدی اوچ گون اوچ گِجَه توپراقلار اوسته بی کفن
تا گلوب اهل قبیله دلده ناله مرد و زن
امر اولوندی سیّد سجّاده گلدی کوفه دن
گوردولر آتلو گلور بو سرِّی کتمان ایتدیلر
.
.
سویلدی اهل قبیله قورخمیون باک ایتمیون
گلموسوز دفن حسینه فاش ایدون گیزلتمیون
بوغریبون اوغلیم مندن کناره گیتمیون
سوز بورا مُنجرّ اولاندا دیده گریان ایتدیلر
.
.
یغدیلار امر امامیله وفا قربانلارین
کربلاده دفن ایدوبلر کربلا قربانلارین
حقّینه تاپشوردولار کوه منا قربانلارین
کربلا صحراسنی دائم گلستان ایتدیلر
.
.
( کهنموئی ) اجتماعی خدمتین وار قیمتی
هیچ کسه ویرمزله عالمده سبب سیزعزّتی
یتدیلر عالی مقامه وار بیوک بیر علّتی
دین یولوندا ئولدولر ترویج قرآن ایتدیلر
.
.
#حسنیه_کهنمویی
#حسنیه_شهادت
#یا_رسول_الله_بو_امت_گور_نه_طغیان_ایتدیلر
#ترکی
.
#زبدةالاشعار
.
: @nohe_torki