یا رسول الله عیالون گلدی تنگه شامده #خرابه_شام_صافی_تبریزی

حالات خرابه شام
..
..
..
..
مرحوم صافی تبریزی
..
..
..
..
یا رسول الله عیالون گلدی تنگه شامده
زینبون غمدن بویاندی رنگ رنگه شامده
..
کیمسه یاد ایتمز بولار اولاد پیغمبردیلر
اوخشادوللار بیزلری روم و فرنگه شامده
..
بسکه یردن قالخوزوب آت اوینادانلار توز گوگه
وردیلر آئینۀ رحمانی زنگه شامده
..
آدلارین مسلم قویانار اینجیدور اولادیوی
بو حیاسیزلرده بیر باخ عار ننگه شامده
..
بیر نفر رحم ایتمدی ای رحمةً للعالمین
عجز قیلدیم کوفه ایچره گاه من گه شامده
..
توکدیلر گه اودلی نی لر گاه تپراق گاه کول
داش اورکلر گه عیالون باسدی سنگه شامله
..
هر یتن بیر نوع یا جدّا وورور دل یاره سی
کربلایه گلمینلر گلدی جنگه شامده
..
کربلاده اوخلانان اوخلاندی، منده سینمی
خوش نشان وردیم شماتتدن خدنگه شامده
..
کیمیای غم ساراتدی حجة الله عارضین
یوخ باخان گل صورتنده آبرنگه شامده
..
آلتی آیدور ساخلیوب ویرانه ده ایتمز خلاص
گور یزیدی کیم وروب سجّادی لنگه شامده
..
سن اؤپن گول تک دوداقلاردان آلور گه انتقام
گه قویور طعنه داشین دلده سپنگه شامده
..
گه کسیک باشین ورور طعنیله سُویلور یاحسین
دامن مقصودی سالدیم یاخشی چنگه شامله
..
ویردی جان تپراقلار اوسته بیر قیزون ویرانه ده
آج سوسوز تاب ایتمدی بیجا درنگه شامده
..
«صافیا» دریای غمدور شام ویران مجلسی
گور رقیّه دوشماقین کام نهنگه شامده
..
..
..
..
#خرابه_شام #صافی_تبریزی #ترکی #زبدةالاشعار