گلدیم بو توزلی قبره راز و نیازه قارداش #اربعین_کهنمویی

اربعین
زبانحال حضرت زینب کبرا علیها سلام
.
✍️ #زبدةالاشعار ✍️
.
🆔: @nohe_torki
.
مرحوم سید حسین کهنموئی(ریاضی تبریزی)
.
گلدیم بو توزلی قبره راز و نیازه قارداش
ایله قبول زحمت گل پیشوازه قارداش
.
قانلی باشون دالینجا سایه کیمی سوروندوم
صبر ایلدیم دایاندیم سوز و گدازه قارداش
.
اَغیار یوخ یانیمدا تاپدیم حضور یاری
دردِ دل ایلرم من ویرسن اجازه قارداش
.
قارداش باشین جداده هاردا گوروبدی باجی
ممتاز اولوبدی زینب بو امتیازه قارداش
.
کشف ایلدون نمازین اسرارینی بو یرده
اوندا که اولدی قانون سو دستمازه قارداش
.
قول باغلی قتلگاهه شامه گیدنده گلدیم
مشغولیدون او یرده سن خواب نازه قارداش
.
گوردوم یارالی جسمون گل تک اولوبدی خندان
قانلی بلکلرونده وار خون تازه قارداش
.
باش سجدیه قویاندا باشون جدایه گچدی
توپراقلار اوسته قالدی باشسیز جنازه قارداش
.
خولی آپاردی باشون مهمان ایدوب کول اوسته
تُف ایله میزبانِ مهمان نوازه قارداش
.
گوزلور یولون وطنده بیمار بیر قیزون وار
صُغرایه نه دیوم من گیتسم حجازه قارداش
.
عشق حسین و زینب بیر عشق دور حقیقی
عاشق دگول «ریاضی» محمود ایازه قارداش
.
.
#گلدیم_بو_توزلی_قبره_راز_و_نیازه_قارداش
#ترکی
.
✍️ #زبدةالاشعار ✍️
.
🆔: @nohe_torki