زبدةالاشعار

یا غافر الخطایا آلما حسینی بیزدن #حسینیه_مصیبی_تبریزی

مناجات با ربّ العالمین در خصوص فرارسیدن ماه محرم و تعطیلی هیآت حسینی
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی بدون واگیر … 10 سبک … ( قان یاغدی کربلایه … اود یاپیشدی سینه مه … از ما خطا یا الله و …)
#سبک_ای_اکبرین_مارالی
پخش‌کننده صوت

.
مصیبی تبریزی
.
« یا غافر الخطایا آلما حسینی بیزدن
یارب به حق زهرا آلما حسینی بیزدن»
.
بیز نادم و شرمنده و ذلیلوق
یارب سنون درگاهیوه دخیلوق
.
.
.
ای آسمان عشقه شمسُ الضُّحیٰ یارالدان
جنات و عرش و فرشی بس دلربا یارالدان
هشت و چهاری دهره مشکل گشا یارالدان
عشق عالمی بقیع و کرب وبلا یارالدان
.
سن بیل او خاک طوبا آلما حسینی بیزدن
یارب به حق زهرا آلما حسینی بیزدن
.
.
.
ای یوللین کلامین طاهایه سوره سوره
نوری تاپان تجلی سیناده دشت طوره
ای گسترن کمالین انسان وجن وحوره
خلق ایله دون حسینی سالدون جهانی شوره
.
وئردون حسینی امّا آلما حسینی بیزدن
یارب به حق زهرا آلما حسینی بیزدن
.
.
.
مهدینی یوللا گلسین ای تاجدار خلقت
خالی قالوب مساجد باغلاندی باب هیات
گوزلر قالوب بقیع و کرب وبلایه حسرت
بو درد و ابتلایه ائتسین ئوزی وساطت
.
هردم دئسون خدایا آلما حسینی بیزدن
یارب به حق زهرا آلما حسینی بیزدن
.
.
.
آز قالدی عرش وفرشی دوتسون فغان وماتم
آز قالدی تا ئورکلر اولسون نوایه همدم
آز قالدی تا یتیشسون یولدان مه محرّم
گر بیله گئتسه یارب اسمز او قاره پرچم
.
ایله بیزه مدارا آلما حسینی بیزدن
یارب بحق زهرا آلما حسینی بیزدن
.
.
.
آماده دور خدایا شاخسی گئدن جوانلار
حسرتدی سینه زنلر آغلوللا باغریقانلار
شهپرلری سینوبدور عرشه قانات چالانلار
ایلولـله هی شماتت زخم زبان وورانلار
.
سندن بو دور تقاضا آلما حسینی بیزدن
یارب به حق زهرا آلما حسینی بیزدن
.
.
.
رحم ائت بو روسیاهه عشقیم منیم حسیندی
بو غرق اولان گناهه عشقیم منیم حسیندی
باخ دلده سوز و آهه عشقیم منیم حسیندی
عبدم بو بارگاهه عشقیم منیم حسیندی
.
بیز نوکروخ او آقا آلما حسینی بیزدن
یارب به حق زهرا آلما حسینی بیزدن
.
.
.
یارب تمام عالم بی مدعا سنوندی
عالمده کی صفا و شور ونوا سنوندی
کعبه سنوندی یارب کربوبلا سنوندی
کربوبلاده هر قان آخدی خدا سنوندی
.
سن بیل او خون حَمرا آلما حسینی بیزدن
یارب به حق زهرا آلما حسینی بیزدن
.
.
.
یا ربنا جهاندا درد و بلا بیزیمدی
لطف وعطا سنوندی خبط و خطا بیزیمدی
باب کرم سنوندی ذکر و دعا بیزیمدی
هم کربلا سنوندی هم کربلا بیزیمدی
.
سن بیل او قانلی ماوا آلما حسینی بیزدن
یارب به حق زهرا آلما حسینی بیزدن
.
.
.
یارب عنایت ایله باب حرم آچیلسون
ماه محرّمینده قاره علم آچیلسون
ششگوشه قبره یارب یول بیش وکم آچیلسون
جوشسون دل «مُصَیّب» طوق قلم آچیلسون
.
یازسین به طبع شیوا آلما حسینی بیزدن
یارب به حق زهرا آلما حسینی بیزدن
.
.
#مناجات_حسینیه_مدح #ورود_محرم_پندیات_آرزوی_کربلا
#یا_غافر_الخطایا_آلما_حسینی_بیزدن
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...