یا غافر و رحمان عطایاده گوزوم وار #مناجات_غفاری_زنجانی

مناجات
..
..
..
..
غفاری زنجانی
..
..
..
..
یا غافر و رحمان عطایاده گوزوم وار
عفو وکرمینده منیم عقباده گوزوم وار
..
آگه سن ئوزون معصیتیم چوخدی الهی
خجلت چکورم خیر عملیم یوخدی الهی
..
حمد اولسون الهی سنه هر لحظه و هر آن
توبه قاپوسون بنده لره باغلامیوبسان
..
توبه ایلیوب منده در رحمته گلدیم
لطف ایله خدایا قاپووا حاجته گلدیم
..
گر خاطیم الله منی سن ایلمه مأیوس
غم غصه ایله ایتمه بو بیچاره نی مأنوس
..
..
یارب منی سن زمرۀ احراره باغشلا
زهرا و علی احمد مختاره باغشلا
..
چوخ ایستدیگون پنج تن آل عبایه
هر تک تکنه حیدر کراره باغشلا
..
قانه یوبانان دینوه خاطر شهدایه
ابرار زمان ایتدگی ایثاره باغشلا
..
زندان جفا ایچره غریبانه ویرن جان
ایلدن آرالی سرور احراره باغشلا
..
اونلارکه قویوب خویش و تبارین گوزی یاشلی
یوللاره باخان دیدۀ خونباره باغشلا
..
جاندان گیچن عاشقلریوه کرب و بلاده
یتمش نچه عشاق فداکاره باغشلا
..
غملر چکولن سینه سینه بی کس حسینه
زهرا بالاسی بی کس و بی یاره باغشلا
..
ال باشدا قاچان چوللره اخیام یاناندا
اول بی گنه اطفال دل افکاره باغشلا
..
زینب که کفیل اولدی او گوندن اسرایه
زینبده اولان همت سرشاره باغشلا
..
اوچ پر اوخا بی جرم و گنه اولدی نشانه
لب تشنه ئولن طفل لبن خواره باغشلا
..
سقا که سویی آلدی ئوزی ایچمدی اما
اول صاحب ایثار ، علمداره باغشلا
..
گوز سو یولونا تکموشیدی خرداجا قیزلار
عطشان نگران عترت اطهاره باغشلا
..
یوخ فایده «غفارینون» الله عملیندن
فضلینله قیامتده خدایا دوت الیندن
..
..
..
..
دوبیتی
..
الهی غرق دریای گناهم
یوخومدی خیر عمل من رو سیاهم
هامی انسانلارا کهف الامانسان
امانه گلمیشم من بی پناهم
..
..
..
..
#مناجات #غفاری_زنجانی #ترکی #زبدةالاشعار