#پیام_نهضت_کربلا
کوچ اهل بیت از قتلگاه کربلا
زبان حال حضرت زینب (س) خطاب به برادر
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم تائب تبریزی
.
سن قیام ائتدون حساب اوسته کتاب اوسته حسین
منده نهصت باشلادیم حفظ حجاب اوسته حسین
.
.
ایتماقا روشن که مسئولیت انسان نه دور
دین نه دور احکام دینیله دولان قرآن نه دور
دین ده قانون نه دور برنامۀ نسوان نه دور
شرحه شرحه قانیله یازدون تراب اوسته حسین
.
.
سن اؤزون قرآنه قربان ائتدون ای عالی جناب
تاحیات جاودان تاپسون کتاب مستطاب
سعی قیلام منده قالسون زنده آیات حجاب
جاندا گیتسه خوشدی ابقای حجاب اوسته حسین
.
.
اؤز آتامدان آلموشام نطق و خطابین درسینی
اؤز آنامدان آلموشام حفظ حجابین درسینی
ائتموشم تحصیل سندن انقلابین درسینی
ایلرم احیا حجابی انقلاب اوسته حسین
.
.
وار ازلدن بیز ایکی قارداش باجی پیمانیمیز
دین دور قرآن دور بو تار و پود جانیمیز
قانیمیز بیر جانیمیز بیر، واردی بیر عنوانیمیز
پای بندم من او پیمان صواب اوسته حسین
.
.
خلق ائدوب دنیانی نظم اوسته خدای لاینام
ایلیوب کشف حجابی عورته مطلق حرام
گر حجابی دانسالار بر هم اولار نظم نظام
خلق اسیر نفس اولار بو اختراب اوسته حسین
.
.
کشتی قرآنه لنگر دور حجابین آیه سی
گوهر دریای دیندور عفّتین پیرایه سی
بی حجابین دینی نون پا در هوادور پایه سی
استوار اولماز بنا هرگز حباب اوسته حسین
.
.
جدیمه نازل اولوبدور بو کتاب مستطاب
درج اولوب احکام اوندا نکته نکته باب باب
آرتوروب پیرایه سین اون سگیز آیات حجاب
بو حجاب آیاتی نازلدور حساب اوسته حسین
.
.
وار نه صحبتلر حجاب اوسته حساب الله دور
عین عنوانی اونون متن کتاب الله دور
رد ائدن بو امری مشمول عتاب الله دور
بی حجابین وار عقابی بو عتاب اوسته حسین
.
.
غارته لشکر گلنده اولدی دل لر مُرتَعَش
آتدیار هر زیب و زیور وار بنات ماهوَش
معجر اوستونده ولیکن ائتدیلر چوخ کشمکش
آلدیلار جانه جفا ستر و نقاب اوسته حسین
.
.
سن کیمی دینه یانان دین خدا دلسوزلارون
چرخ عصمتده اولان شرم و حیا اولدوزلارون
درس آلان کانون عفّتدن عفیفه قیزلارون
دوردولار حکم کتاب مستطاب اوسته حسین
.
.
ائتدیلر اعلان «بیان» حکم کتاب اولسون گرک
یعنی اجرا حکم قرآن باب باب اولسون گرک
تابع قرآن اولانلار باحجاب اولسون گرک
آیه نازلدور حساب اوسته کتاب اوسته حسین
.
.
هایهوئیله ائدوب جاهل عرب لر هلهله
ووردولار اود سالدیلار خرگاه دینه ولوله
امر سجّادیله قاچدی نازنین قیزلار چوله
آز قالوب ئولسونله هول و اضطراب اوسته حسین
.
.
خرداجا بیر قیز رمیده رشگ آهوی تتار
بیر سواره آردیجا گوردی دوشوب ائتدی فرار
گه قاچوب گاهی دونوب پشت سره ایلوب نظار
پا پیاده صید، صیادی رکاب اوسته حسین
.
.
حفظ ائدوب حکم حجابی غنچۀ باغ ارم
بیر سلام ائتدی که من ذرّیۀ پیغمبرم
باشدا کی بو معجری ئولسمده هرگز وئرمرم
زجر گوردی دوزدی عالی انتخاب اوسته حسین
.
.
چوخ دوگولدی گوردی ظلم آل سفیان برده سین
دوردی داغ تک ساخلادی باشینده عفت پرده سین
ایلدوخ تحسین او دامان حیا پرورده سین
یتدی احسن هشت باب و نه قباب اوسته حسین
.
.
وئردی بو رمزیله نسوانه شریعت درسینی
اهل وقر و عصمته توقیر و عصمت درسینی
ایلدی تعلیم هر انسانه عفّت در سینی
اهل عفّت یول گئده بو احتساب اوسته حسین
.
.
مرحبا ائتدی خجل ایمانیله ایمانسیزی
حفظ قیلدی عفّتین خورشید عفّت اولدوزی
عصمتین گتدی بیانه عصمت کبرا قزی
مینلریله باب صحبت وار بو باب اوسته حسین
.
.
عورته یعنی حجابی زیور و زینتدى بس
غنچۀ نشکفته تک هم وقر و شخصیتدی بس
گر حجابی ردّ ائده، بی وقر و بی قیمتدی بس
وقرینی الدن وئرر فکر خراب اوسته حسین
.
.
وار یادوندا دوتدی اعمادن یوزون زهرا آنام
سویلدی بو مرد اعمادور بابام خیرالانام
عرض ائدوب زهرا، اونا باخماق حرام اولموش حرام
وار بو سوز قرآن علّام الغیاب اوسته حسین
.
.
وار یادیمدا ائتدی قطّامه نه ظلم بی حساب
اوندا کی داندی حجابی ایلدی کشف حجاب
بیر باخشدا ائتدی ابن ملجمی خانه خراب
باتدی قانه مرتضا کشف حجاب اوسته حسین
.
.
جلب ائدر نامحرمی غمزه یله نسوانین گوزی
بیرده کشف اولسا اونون نظّار اولان یرده یوزی
بیرده لبخندی یخار ایمان ائوین یوخدور سوزی
خلق اولار گمراه ایمان خراب اوسته حسین
.
.
امر دیندور چادر آتدا گیزلده عورت أوزؤن
هاکذا گوسترمیه نامحرمه هرگز یوزون
گورسه نامحرم مقابلدن گلور یومسون گوزون
حُکمِ یَفضُضنَ گلوب حقدن خطاب اوسته حسین
.
.
گوزدی یوزدی لب وئرن عورتلره زیبا عیار
گر اولا بی پرده نامحرم لری ایلر شکار
گر ائده خلقی شکار افکار اولار بی بندوبار
دین اولار پامال بیله فتح باب اوسته حسین
.
.
ایلسه هر کس حجاب آیاتینی زیر و زبر
اؤز خیالیله اولوب بو باره ده صاحب نظر
حکم قرآن و خدادن بی خبر دور بی خبر
ضربه اسلامه وورور بر ارتکاب اوسته حسین
.
.
روبرو کشف حجابیله اولا گر جامعه
فتنه هر یاندان یاغار ایجاد ائدر چوخ فاجعه
فاتحه اسلام و قرآنه اوخور بو ضایعه
درده گلم بیله امر ناصواب اوسته حسین
.
.
ایلوری قرآن زبان حالیله فریاد و داد
گر حجاب اولسا رعایت رخنه تاپماز عدل و داد
بی حجابی گر تاپا رونق فساد ایلر فساد
خلق جهله جلب اولار بو انجلاب اوسته حسین
.
.
وای او اهل دین و قرآنه قویوب دینی کنار
آد مسلمان لیک أوزی کافر کیمی بی بند و بار
رد ائدوب حکم حجابی دلده اسلامی شعار
دین گیدور صحبت گلور اسلام ناب اوسته حسین
.
.
وئردون ای قرآن ناطق امت قرآنه درس
وئردون ای انسان کامل زنده دل انسانه درس
منده وئررم عفتیمله سربه سر نسوانه درس
تا دولانسونلار خانمار احتجاب اوسته حسین
.
.
بیز بنی هاشم که محکمدور بیزیم آهنگیمیز
خاندان عفّتوخ تغییر تاپماز رنگیمیز
سازش ائتمز بی حجابیله بیزیم فرهنگی میز
عطف اولور روی سخن هر شیخ و شاب اوسته حسین
.
.
من باشون آردینجا قارداش عزم شامات ایلرم
قید عشقونده گزوب فخر و مباهات ایلرم
قولاً و فعلاً حجاب احکامین اثبات ایلرم
باشلارام صحبت همین فصل الخطاب اوسته حسین
.
.
من حسینی زینبم وار زینبیّت شهرتیم
هم شریکم نهضتونده وار حسینی همّتیم
هر یره یتسم حجاب اوسته اولار هر صحبتیم
ایلرم صحبت بیان بو تراب اوسته حسین
.
.
اولدی «یعقوب حقیقت» بو کلامه خواستار
یازدی تکلیف اوسته «تائب» بیله شعر آبدار
هم یازان هم نوحه خوانه موقف روزشمار
حیّ سبحاندان ثواب ایستر ثواب اوسته حسین
.
.
.
.
#کوچ_کربلا #تائب_تبریزی
#حجاب
#سن_قیام_ائتدون_حساب_اوسته_کتاب_اوسته_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید