یتیش امدادیمه ای غم گونی غمخواریم عمو #قاسمیه_شهاب_تبریزی

استمداد حضرت قاسم (ع)
..
..
..
..
مرحوم شهاب تبریزی
..
..
..
..
یتیش امدادیمه ای غم گونی غمخواریم عمو
دوره می دشمن آلوب یوخدی هواداریم عمو
..
..
..
..
آهو تک صیده ایدوب آخر منی صیاد عمو جان
خنجر الده باشیم اوستونده دی جلاد عموجان
لطف قیل سرعتیله قیل منه امداد عموجان
انتظاروندی سنون دیدۀ خونباریم عمو
..
..
..
..
قتلیمه تیغ چکوب کینله بو شمر و سنان
اولما راضی کَسَلَه باشیمی بو لشگریان
آز قالوبدور ایده لر بو باشیمی زیب سنان
قالا حسرت بیله دیداریوه دیداریم عمو
..
..
..
..
نجه گور جسمیم اولوب ظلعمیله آماج خدنگ
یتیشوب بیر بدنه ظلمیله هر حربۀ جنگ
بسکه دوتدی منه بو لشگر کین عرصه نی تنگ
قالمیوب دلده داخی حالت گفتاریم عمو
..
..
..
..
آلدیلار دوره می بو لشگریان پیر و جوان
وردیلار ظلمیله بو جسمیمه شمشیر و سنان
اولموشام تیر جفا و ستم و ظلمه نشان
گور نه نوعی بویانوب قانیله رخساریم عمو
..
..
..
..
گوردولر لشگر کین بیکس و بیچاره منی
ایتدیلر خنجر و شمشیریله صد پاره منی
چوخدی جسمیمده یارام ئولدوری بو ساره منی
یتمه میش باشه اجل تاپ منی سرداریم عمو
..
..
..
..
ایلیوب قوم عدو گور نجه دریا کیمی موج
دوتوب اطرافیمی بو اهل جفا فوج بفوج
وار یری بو شرر آهیم ایده گویلره اوج
دشمنیم حدّن آشوب یوخدی پرستاریم عمو
..
..
..
..
بوخ گمانیم بو قشون اهلی جفادن دویالار
ظلم رختین داخی تندن بو جماعت سویالار
چالشولار منی دیداریوه حسرت قویالار
شاهدیمدور منیم احوالیمه اظهاریم عمو
..
..
..
..
بیله که خوش دوزولوب درّ کیمی نظم سخن
ای شهابا دیمه تقریر ایلدیم بو سوزی من
واردی تائید ایلین بو سوزی باجادی دیسن
یتیش امدادیمه ای غم گونی غمخواریم عمو
..
..
..
#قاسمیه #شهاب_تبریزی #قاسمیه_شهادت #ترکی #زبدةالاشعار