یتیش فریادیمه قارداش مروت یوخ بو لشکرده #عباسیه_کاتب_اردبیلی

استمداد علمدار کربلا از غریب دیار نینوا
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
یتیش فریادیمه قارداش مروت یوخ بو لشکرده
آلوب اطرافیمی الده قلج اون یدی سرکرده
قولوم یوخ ایلیم دعوا
منه رحم ایلمز اعدا
.
.
بیری سویلر علمداری گرک من ئولدورم الآن
بیری سویلر بونون باشین گرک من ذبح ائدم عطشان
اولوب آماده ی قتلیم تماماً لشکر عدوان
نه نوعیله جواب آیا وئروم بو قدر نامرده
.
.
گلنمم خیمیه بیرده کسوب دشمن یولوم قارداش
على و اصغره اولدی فدا صاق و صولوم قارداش
گل ایندی خاک پایونده سنون قربان اولوم قارداش
خجالت اولمیام شاید حضور شیر داورده
.
.
سو مشکیم اوخلانوب اولدوم خجل آل رسالتدن
خیامه باخماقا هرگز یوزوم گلمز خجالتدن
سوسوزلوقدان علی اصغر گئدوبدور تاب طاقتدن
نجه صبر ایلیوم قارداش بو نوعی محنت و درده
.
.
کسوبدور دوره می دشمن بسان سدّ اسکندر
دئمم تأکیدیله هرگز اوزون گل یا کومک گوندر
بودور عرضیم ئولن وقته یوزیمی قبلیه دوندر
بو فخریله اباالفضلون قالا تا آدی دللرده
.
.
شکایت ائتمرم قارداش نقدری ویرسالا یاره
اوزوم چوخ راضیم دشمن ائده جسمیمی صدپاره
ولی بیر مطلبیم واردور باخام اول ماه رخساره
سنون تا اوز حضورونده وئرم جانی قوری یرده
.
.
زبان طعن آچوب قارداش منه بو لشکر کافر
شجاعتدن ویرا گر دم بو اعدای ستم پرور
نئدوم سالم دگل قولّار پوزیدوم صفلری یکسر
گوریدوم کیمده وار جرأت بئله دورسون برابرده
.
.
#عباسیه_کاتب_اردبیلی
#عباسیه_شهادت
#یتیش_فریادیمه_قارداش_مروت_یوخ_بو_لشکرده
#ترکی
.
✍️ #زبدةالاشعار ✍️
.
🆔: @nohe_torki